(អាមេរិក)៖ កីឡាករវាយកូនបាល់ (Tennis) សញ្ជាតិរុស្ស៊ី Daniil Medvedev ត្រូវបានពិន័យជាប្រាក់សរុបចំនួន ៤២,៥០០ម៉ឺនដុល្លារ ពីគណៈកម្មាធិការវិន័យរបស់ US Open កាលពីថ្ងៃពុធ ពាក់ពាន់នឹងការប្រើឥរិយាបថហឹង្សា នឹងការផ្ទុះកំហឹងដាក់មន្ត្រីការប្រកួត ក្នុងការប្រកួតដែលលេងចាញ់ Benjamin Bonzi នៅដើមសប្តាហ៍នេះ ក្នុងការប្រជែងពានកម្មវិធីវាយកូនបាល់ US Open 2025 នៅទឹកដីអាមេរិក ។

សូមជម្រាបផងថា Daniil Medvedev ជាអតីតម្ចាស់ពានវាយកូនបាល់របស់កម្មវិធីកម្រិត Grand Slam នេះកាលឆ្នាំ២០២១ ដ្បិតក្នុងពេលនេះបានធ្លាក់ត្រឹមប្រកួតជុំទី១ ពីការវាយចាញ់កីឡាករបារាំងលទ្ធផល ៣-២សិត ខណៈ Benjamin Bonzi ពេលនេះក៏បន្តឈានដល់ជុំទី៣ ទៀងផងដែរ ។

Medvedev បន្ទាប់ពីការប្រកួតបានបញ្ចប់ ជាមួយនឹងទង្វើបែបនេះ រូបលោកត្រូវរងពិន័យប្រមាណ ៣ម៉ឺនដុល្លារ សម្រាប់ការប្រព្រឹត្ត និងចំនួន ១២,៥០០ម៉ឺនដុល្លារ ទាក់ទងទៅនឹងការវាយបំបែករ៉ាកែត នេះបានបើតាម US Open បានឱ្យដឹងនៅក្នុងឯកសារដែលបង្ហាញពីសកម្មភាពប្រព្រឹត្តខុសនៅនឹងកន្លែង ៕