(អ៊ីស្តង់ប៊ូល)៖ ក្រុម Besiktas លេងក្នុងលីគកំពូល Super Lig របស់ប្រទេសតួកគីនោះ បានព្រមព្រៀងបង់សំណងជាទឹកប្រាក់ប្រមាណ ១.៥លានផោនទៅឱ្យកីឡាករ Alex-Oxlade Chamberlain ដើម្បីបញ្ចប់កិច្ចសន្យាដែលនៅសល់ ១ឆ្នាំទៀត។ នេះបើយោងតាមការចេញផ្សាយដោយ BBC។

កីឡាករអន្តរជាតិអង់គ្លេស វ័យ ៣២ឆ្នាំរូបនេះ បានចូលរួមជាមួយ Besiktas ដោយគ្មានតម្លៃផ្ទេរឡើយ ក្រោយចប់កិច្ចសន្យាជាមួយ Liverpool នាអំឡុងខែសីហា ឆ្នាំ២០២៣។

Chamberlain បានចូលលេង ២០ប្រកួតផងដែរជាមួយ Besiktas រដូវកាល ២០២៤-២៥ មុនឈានដល់ផ្លូវបំបែក ស្របពេលអតីតខ្សែបម្រើ Arsenal រូបនេះ ក៏មានការព្រមព្រៀងគ្នាទៅវិញទៅមកទៀតផង ស្ថិតក្រោមការដឹកនាំដោយលោក Ole Gunnar Solskjaer អតីតគ្រូបង្វឹក Manchester United។

Chamberlain បានជួបបញ្ហារបួសជង្គង់ធ្ងន់ធ្ងរ ២លើកនាអំឡុងលេងឱ្យ Liverpool ពីការបង្ហាញខ្លួនសរុបបាន ១៤៦ប្រកួត និងស៊ុតបាន ១៨គ្រាប់ ក្រោយពេលផ្លាស់ចេញពីកាំភ្លើងធំក្នុងតម្លៃខ្លួន ៣៥លានផោននាឆ្នាំ២០១៧ ដោយបានរួមចំណែកហង្សក្រហមឈ្នះជើងឯក Premier League ក្នុងឆ្នាំ២០២០ ដែរ៕