(ឥណ្ឌា)៖ ប្រទេសឥណ្ឌា ជាមួយគោលការណ៍ដេញថ្លៃធ្វើជាម្ចាស់រៀបចំព្រឹត្តិកីឡា Commonwealth Game 2030 (IOA) ប្រកាសអំពីការនុម័តជាផ្លូវការក្នុងអំឡុងពេលកិច្ចប្រជុំទូទៅពិសេស (SGM) នៅទីក្រុងញូវដេលី ។ ដោយបានក្តីសង្ឃឹមថាការរៀបចំវានឹងផ្តល់អត្ថប្រយោជន៍ដល់សេដ្ឋកិច្ចក្នុងស្រុក និងក្លាយជាផ្នែកមួយដើម្បីជំរុញទឹកចិត្តដល់អត្តពលិកជំនាន់ថ្មី។

នេះក៏ជាការអនុម័តនៅការចូលរួមដេញថ្លៃកម្មវិធីកីឡា Commonwealth Game ជាថ្មីទៀត បន្ទាប់ពីបរាជ័យការដេញថ្លៃសិទ្ធិឆ្នាំ២០២៦ ជាមួយគ្នានេះប្រទេសឥណ្ធា ក៏មានគោលដៅដេញថ្លៃរៀបចំព្រឹត្តិការណ៍កីឡាអូឡាំពិករដូវក្តៅឆ្នាំ២០៣៦ ផងដែរ ។

ជាមួយគ្នានេះ កាលពីថ្ងៃទី២៨ ខែមីនាឆ្នាំ២០២៥ គណៈកម្មាធិការអូឡាំពិកនីហ្សេរីយ៉ា ក៏បានបង្ហាញចំណាប់អារម្មណ៍ដេញថ្លៃដើម្បីធ្វើជាម្ចាស់ផ្ទះរៀបចំ Commonwealth Game 2030 ហើយប្រធានាធិបតីនីហ្សេរីយ៉ា លោក Bola Tinubu បានប្រកាសពីការគាំទ្រចំពោះការដេញថ្លៃនេះ កាលពីខែកក្កដាកន្លងទៅនេះ ។

សម្រាប់ការដាក់ឯកសារដេញថ្លៃដើម្បីទទួលបានសិទ្ធិរៀបចំ Commonwealth Game 2030 គឺផុតកំណត់នៃថ្ងៃទី៣១ ខែសីហា ឆ្នាំ២០២៥ នេះ ខណៈដំណើរការដេញថ្លៃសម្រាប់ការប្រកួតកីឡា អាចនឹងត្រូវ បញ្ចប់នៅខែវិច្ឆិកាខាងមុខ៕

សូមជម្រាបផងថា Commonwealth Games គឺជាព្រឹត្តិការណ៍ពហុកីឡាអន្តរជាតិ ដែលប្រមូលផ្តុំអត្តពលិកមកពីទូទាំងសមាគមអន្តរជាតិ ដែលភាពច្រើនធ្លាប់ស្ថិតក្រោមការគ្រប់គ្រងនៃចក្រភពអង់គ្លេស ដែលព្រឹត្តិការណ៍កីឡានេះបានប្រារព្ធធ្វើឡើងដំបូងនៅឆ្នាំ១៩៣០ មានឈ្មោះថា (British Empire Game) និងបានផ្លាស់ប្តូរមកឈ្មោះ Commonwealth Games នៅឆ្នាំ១៩៧៨ រហូតដល់បច្ចុប្បន្ន ។

Commonwealth Games 2026 គឺរៀបចំនៅប្រទេសស្កុតឡេន ដែលនឹងមានសមាគមកីឡា Commonwealth Games ចំនួន ៧៤ចូលរួមប្រកួតប្រជែងលើ ១០ប្រកួតកីឡាចាប់ពីថ្ងៃទី២៣ ខែកក្កដា ដល់ថ្ងៃទី០២ ខែសីហា ឆ្នាំ២០២៦ ៕