(បរទេស)៖ ក្រុមហ៊ុន Google បានប្រកាសពីកម្មវិធីការពារឧបករណ៍ថ្មីមួយឈ្មោះថា Pixel Care+ ដែលផ្ដល់ការការពារទូលំទូលាយសម្រាប់អ្នកប្រើប្រាស់ឧបករណ៍របស់ខ្លួន។ កម្មវិធីនេះនឹងមកជំនួសកម្មវិធីចាស់ៗ ដើម្បីផ្ដល់ការធានាលើការខូចខាត ក៏ដូចជាការជួសជុលផ្សេងៗ។ នេះបើយោងតាមការចេញផ្សាយដោយ TechCrunch នៅថ្ងៃទី២៨ ខែសីហា ឆ្នាំ២០២៥។

Pixel Care+ ផ្ដល់ការការពារពេញលេញរួមមាន៖

• ជួសជុលដោយឥតគិតថ្លៃ លើអេក្រង់ និងថ្ម

• ការទាមទារសំណងគ្មានដែនកំណត់ សម្រាប់ករណីខូចខាតចៃដន្យ

• ការធានាលើគ្រឿងបន្លាស់ និងជំនួយពីអ្នកជំនាញ

• សេវាដឹកជញ្ជូន ឧបករណ៍ជំនួសដោយឥតគិតថ្លៃ (អាចទទួលបាននៅថ្ងៃបន្ទាប់)

កម្មវិធីនេះអាចជាវបានក្នុងរយៈពេល ៦០ថ្ងៃបន្ទាប់ពីទិញឧបករណ៍។ តម្លៃសេវាកម្មអាស្រ័យលើប្រភេទឧបករណ៍ ហើយវាមានសម្រាប់ឧបករណ៍ថ្មីៗមួយចំនួនដូចជាទូរស័ព្ទ Pixel 8 ឡើងទៅ, Pixel Watch 2, Pixel Tablet និង Fitbit ជំនាន់ថ្មី។

គួរជម្រាបថា Pixel Care+ អាចជួយឱ្យអ្នកប្រើប្រាស់ឧបករណ៍ Google មានអារម្មណ៍ស្ងប់ចិត្ត ដោយមិនបារម្ភពីបញ្ហាខូចខាតផ្សេងៗ ដូចជាការធ្លាក់បែក ឬខូចខាតដោយចៃដន្យជាដើម៕