(វូហាន)៖ កីឡាករស្នូកឃ័រ Stan Moody បានបរាជ័យក្នុងការប្រជែងកៅអីឡើងវគ្គពាក់កណ្តាលផ្តាច់ព្រ័ត្រនៃកម្មវិធី Wuhan Open 2025 បន្ទាប់ពីចាញ់គូប្រជែងម្ចាស់ផ្ទះចិន Xiao Guodong អតីតជើងឯកចាស់ដោយលទ្ធផល ៥-២ នាយប់មិញ។

ពីគេហទំព័រកីឡា BBC បានចេញផ្សាយថា កីឡាករវ័យ ១៨ឆ្នាំ មកតំបន់ Halifax ប្រទេសអង់គ្លេសរូបនេះ បានផ្តួលជើងខ្លាំង Ding Junhui និង Barry Hawkins មុនពេលឆ្លងចូលវគ្គ ៨នាក់ដែលបានចាញ់ Xiao នៅរាត្រីថ្ងៃព្រហស្បតិ៍។

Moody ធ្វើបានល្អបំផុតក្នុងអាជីពស្នូកឃ័រនៅព្រឹត្តិការណ៍ Wuhan Open ដែលបានឈានមកដល់ចំណាត់ថ្នាក់លេខ៦១ ក្នុងតារាងពិភពលោកបច្ចុប្បន្ន គិតត្រឹមខែសីហា ឆ្នាំ២០២៥។

យុវជនរូបនេះពុំអាចស៊ូនឹងអតីតជើងឯកស្នូកឃ័រពិភពលោក World Snooker Championship 2024 គឺ Xiao Guodong បានឡើយ ដ្បិតអាចតដៃបានតែ ២ហ្វ្រេមប៉ុណ្ណោះ ដើម្បីជូនដំណើរ Xiao ឡើងទៅប៉ះ Mark Williams សម្រាប់វគ្គ ៤នាក់ជាបន្តទៀត នៅពេលកីឡាករវ៉េលរូបនេះ បានបំបាក់មិត្តរួមជាតិ Zhang Anda របស់គេដោយលទ្ធផល ៥-១ ពីក្នុងវគ្គ ៨នាក់មកដែរ៕