(ភ្នំពេញ)៖ ទីផ្សារហិរញ្ញវត្ថុបានរីកចម្រើន និងកាន់តែមានភាពស្មុគស្មាញ ទើបបណ្តាលឱ្យមានតម្រូវការអ្នកជំនាញ ដែលអាចវាយតម្លៃក្រុមហ៊ុន និងគ្រប់គ្រងហានិភ័យហិរញ្ញវត្ថុ ព្រមជាមួយនឹងតម្រូវការសម្រាប់អ្នកជំនាញ ដែលអាចគ្រប់គ្រងលុយរបស់អ្នកវិនិយោគតូច និងធំ។ ការផ្លាស់ប្តូរបទបញ្ញត្តិគណនេយ្យ តម្រូវឱ្យគណនេយ្យករយល់ពីរបៀបវាយតម្លៃទ្រព្យសម្បត្តិ និងបំណុលរបស់ក្រុមហ៊ុន។ ប្រសិនជាចំណេះដឹង ឬជំនាញនេះនៅមានកម្រិត វាពិតជាបង្កភាពលំបាកយល់ អំពីស្ថានភាពហិរញ្ញវត្ថុរបស់ក្រុមហ៊ុន។ ដូចនេះហើយការសិក្សាថ្នាក់បរិញ្ញាបត្រជំនាញ គណនេយ្យ និងហិរញ្ញវត្ថុ គឺអាចរៀបចំនិស្សិត សម្រាប់អាជីពក្នុងការវិភាគ ការវិនិយោគ ធនាគារ សវនកម្ម ប្រឹក្សាយោបល់ និងការគ្រប់គ្រងហិរញ្ញវត្ថុ។

ការសិក្សាបរិញ្ញាបត្រជំនាញ គណនេយ្យ និងហិរញ្ញវត្ថុ នេះមិនមែនត្រឹមតែសិក្សា ជំនាញគណនេយ្យ ឬហិរញ្ញវត្ថុប៉ុណ្ណោះទេ និស្សិតនឹងសិក្សាជំនាញគ្រប់គ្រងពាណិជ្ជកម្ម ដែលមានរួមបញ្ចូល មុខវិជ្ជាដូចជាការគ្រប់គ្រងពាណិជ្ជកម្ម និងធនធានមនុស្សផងដែរ។ បច្ចុប្បន្ននេះ និស្សិតនឹងអាចផ្តោតជាពិសេសលើការអប់រំ ដែលមានលក្ខណៈទូលំទូលាយនៅក្នុងផ្នែកសេដ្ឋកិច្ច បច្ចេកវិទ្យា ការគ្រប់គ្រងពាណិជ្ជកម្ម និងច្បាប់ ដែលជួយបង្កើនលទ្ធភាព និងប្រសិទ្ធភាពការងាររបស់និស្សិតបញ្ចប់ការសិក្សា។

តើក្រោយបញ្ចប់ការសិក្សាថ្នាក់បរិញ្ញាបត្រជំនាញគណនេយ្យ និងហិរញ្ញវត្ថុ និស្សិតនឹងអាចធ្វើការងារក្នុងតំណែងអ្វីខ្លះ? ចម្លើយនោះ គឺមុខតំណែងជាច្រើនដែលអ្នកសិក្សាជំនាញនេះនឹងអាចអភិវឌ្ឍមុខតំណែង ការងាររបស់ខ្លួនឲ្យក្លាយជាអ្នកវិភាគហិរញ្ញវត្ថុ អ្នកវិភាគការវិនិយោគ អ្នកវិភាគលើថវិកាក្រុមហ៊ុន និងអ្នកត្រួតពិនិត្យ និងប្រមូលពន្ធដារ។ ក្រៅពីនោះទៅទៀត ពួកគេក៏អាចក្លាយជានាយកគ្រប់គ្រងផ្នែកហិរញ្ញវត្ថុ និងជាអ្នកគ្រប់គ្រងអាជីវកម្ម ឬក្រុមហ៊ុនបានដូចគ្នា។

សម្រាប់សិស្សានុសិស្ស ឬនិស្សិតដែលមានក្តីស្រមៃចង់ក្លាយបុគ្គល ដែលមានមុខតំណែងដូចបាន រៀបរាប់ខាងលើ អាចធ្វើការពិចារណា និងជ្រើសរើសសិក្សាលើថ្នាក់បរិញ្ញាបត្រជំនាញគណនេយ្យ និងហិរញ្ញវត្ថុ នេះបាន ដើម្បីឲ្យក្តីស្រមៃមួយនេះអាចក្លាយជាការពិត សិស្សនិស្សិតដែលមានចំណាប់អារម្មណ៍ចង់សិក្សា លើមុខជំនាញនេះអាចធ្វើការទំនាក់ទំនង និងសាកសួរពត៌មានសិក្សាទៅកាន់ CamEd Business School។ CamEd Business School គឺជាគ្រឹះស្ថានឧត្តមសិក្សាដែលមានឈ្មោះល្បី ក្នុងការបណ្តុះបណ្តាលជំនាញ គណនេយ្យ និងហិរញ្ញវត្ថុ អស់រយៈពេល២៥ឆ្នាំមកហើយ។

និស្សិតដែលសិក្សាកម្មវិធីសិក្សានេះនៅ CamEd Business School នឹងទទួលបាន សញ្ញាបត្រពីរក្នុងពេលតែមួយ ក្រោយបញ្ចប់ការសិក្សារយៈពេលបួនឆ្នាំ ដែលមានដូចជា សញ្ញាបត្របរិញ្ញាបត្រជំនាញគណនេយ្យ និងហិរញ្ញវត្ថុបូកនឹងសញ្ញាបត្រអ្នកជំនាញ បច្ចេកទេសគណនេយ្យអន្តរជាតិ (BA+CAT) ដែលមានការទទួលស្គាល់ពីស្ថាប័នវាយតម្លៃគុណភាពអប់រំ ACBSP នៅសហរដ្ឋអាមេរិក និងសមាគមគណនេយ្យករជំនាញ ACCA នៅចក្រភពអង់គ្លេស។

CamEd Business School កំពុងទទួលចុះឈ្មោះនិស្សិត ដើម្បីសិក្សាថ្នាក់បរិញ្ញាបត្រនេះ និងមានឱកាសទទួលបានអាហារូបករណ៍ ដោយនិស្សិតអាចចុះឈ្មោះតាមរយៈគេហទំព័រ www.cam-ed.edu.kh ឬធ្វើការទំនាក់ទំនងផ្ទាល់ ដើម្បីសួរពត៌មានបន្ថែមតាមរយៈអ៊ីម៉ែល [email protected] ឬលេខទូរស័ព្ទ ០៧០ ៦៧៣ ៦៧៣ / ០១០ ៩៨៦ ៥២៣ / ០៧៨ ៥៨៨ ៨៨៦ (Telegram)៕