(អ៉ីស្តង់ប៊ូល)៖ គ្រូបង្វឹកសញ្ជាតិព័រទុយហ្គាល់ Jose Mourinho ត្រូវបានក្លិប Fenerbahce ដកចេញពីតំណែងហើយ នាថ្ងៃសុក្រ ព្រោះពួកគេធ្លាក់ក្នុងវគ្គជម្រុះពានអឺរ៉ុប UEFA Champions League 2025-26 ក្រោមថ្វីជើងរបស់ Benfica។ នេះបើយោងតាមការចេញផ្សាយពី yahoo sports​។

ក្លិបលេងនៅលីគកំពូលតួកគី Super Lig នឹងប្រកាសពីការតែងតាំងអតីតគ្រូជំនួយ ដើម្បីដឹកនាំបន្តរហូតដល់រកគ្រូពេញសិទ្ធិថ្មីមកជំនួសបាន។

នៅចាំបានថា បុរសវ័យ ៦២ឆ្នាំរូបនេះត្រូវបាន Fenerbahce ប្រកាសតែងតាំងជាគ្រូបង្វឹករបស់ពួកគេកាលពីថ្ងៃទី០១ ខែមិថុនា ឆ្នាំ២០២៤ ដោយមានរយៈជាង ១ឆ្នាំប៉ុណ្ណោះ មុនឈានដល់ផ្លូវបំបែកនាពេលនេះ៕