(ភ្នំពេញ)៖ ផ្ទុះការចាប់អារម្មណ៍ ពីមហាជន ជាពិសេសស្រទាប់យុវវ័យ នូវវត្តមានរបស់តារា TikTok កូរ៉េ Sean Solo ដែលមាន Follower រាប់លាននាក់ មកដល់ប្រទេសកម្ពុជា។ រូបភាព និងវីដេអូ ជាច្រើន បានចែកចាយនៅលើបណ្តាញសង្គម។

តាមឲ្យដឹងពីប្រភពច្បាស់ការ បានប្រាប់ថា ក្រុមហ៊ុន ហនុមាន ប៊ែវើរីជីស បាននាំលោក Sean Solo មក ក្នុងគោលបំណងចូលរួមផ្សព្វផ្សាយពីប្រទេសកម្ពុជា តំបន់ទេសចរណ៍ ទៅផ្សារធំថ្មី រួមទាំង ភ្លក់នំពុម្ព នំចាក់ជុល អាម៉ុកខ្មែរ ឡុកឡាក់សាច់គោ និងពេលល្ងាចទៅលេង Walk-street ភ្លក់អាពីង និងនំអាកោរ លើសពីនេះ ក៏មានសកម្មភាពមនុស្សធម៌ ជួយដល់កុមារកំព្រាផងដែរ។

តាមរយៈសកម្មភាពទាំងអស់នេះ នៅលើបណ្តាញសង្គម ធ្វើឲ្យអ្នកគាំទ្រជាច្រើន បានបង្ហាញអារម្មណ៍ភ្ញាក់ផ្អើល សប្បាយរីករាយ និងរង់ចាំជួបគាត់ផ្ទាល់មុខនៅ Walk Street។ វីដេអូ និងរូបភាព Sean Solo នៅកម្ពុជា កំពុងក្លាយជាប្រធានបទ ក្នុងការចែករំលែកយ៉ាងទូលំទូលាយ។

ការមកដល់របស់លោក Sean Solo បង្ហាញថា ប្រទេសកម្ពុជា តូច តែមានបេះដូងធំ ជាប្រទេសមួយដែលមានប្រជាប្រិយភាព និងសមត្ថភាពទាក់ទាញតារាល្បីៗ និងសិល្បករអន្តរជាតិ មកទស្សនា។ ជាពិសេស ការចូលរួមយ៉ាងសកម្មរបស់ ក្រុមហ៊ុន ហនុមាន ប៊ែវើរីជីស ក្នុងការនាំយកសិល្បករ និងបុគ្គលល្បីៗពីក្រៅប្រទេស មកកាន់ប្រទេសកម្ពុជា ដែលទាំងអស់នេះ ជាសកម្មភាព ក្នុងការលើកស្ទួយនូវសិល្បៈវប្បធម៌ និងទេសចរណ៍កម្ពុជា ដើម្បីពិភពលោកស្គាល់កាន់តែច្រើន។

កាន់តែពិសេស សម្រាប់ផលិតផលខ្មែរ ជាមួយវិសាលភាពគ្រប់ពេល ស្រាបៀរ ហនុមាន ក៏មានលក់នៅលើទីផ្សារប្រទេសកូរ៉េផងដែរ។
រង់ចាំមើលទាំងអស់គ្នាថា តើក្រុមហ៊ុន ហនុមាន ប៊ែវើរីជីស នឹងមានអ្វីថ្មីៗបន្ថែមទៀត៕