(បរទេស)៖​ ក្រុមហ៊ុន​ Nokia របស់ហ្វាំងឡង់​ បានប្រកាសថា​កំពុង​វិនិយោគប្រាក់ ៤ពាន់លានដុល្លារ នៅក្នុងសហរដ្ឋអាមេរិក ដើម្បីបង្កើនការអភិវឌ្ឍបណ្តាញដែលដំណើរការដោយ AI។​ ក្នុងចំណោមទឹកប្រាក់នេះ ៣.៥ ពាន់លានដុល្លារ នឹងត្រូវប្រើសម្រាប់ ការស្រាវជ្រាវ និងអភិវឌ្ឍ (R&D)។​ ចំណែក ៥០០ លានដុល្លារទៀត នឹងចំណាយលើក្រុមហ៊ុនផលិត និងគម្រោងផលិតកម្មនៅរដ្ឋ Texas, New Jersey និង Pennsylvania។

Nokia មានគោលបំណងអភិវឌ្ឍបណ្តាញទំនាក់ទំនងឆ្លាតវៃជាតំណាងសម្រាប់អនាគត បណ្តាញទូរស័ព្ទចល័ត,​ បណ្តាញអុបទិច,​បណ្តាញ IP,​ មជ្ឈមណ្ឌលទិន្នន័យ​ និងបណ្តាញសុវត្ថិភាពខ្ពស់ និងបច្ចេកវិទ្យា quantum-safe។ ការវិនិយោគនេះក៏ភ្ជាប់ជាមួយយុទ្ធសាស្ត្រ​ថ្មីរបស់ Nokia ដែលកំពុងបំបែកអាជីវកម្ម AI និងទទួលបាន ការវិនិយោគ ១ ពាន់លានដុល្លារ​ពីក្រុមហ៊ុនអាមេរិក Nvidia ដើម្បីជំរុញបណ្តាញ AI-native សម្រាប់អនាគត 6G ផងដែរ។

គួរជម្រាបថា​ ការវិនិយោគនេះ Nokia ក៏បានបញ្ជាក់ថានឹងជួយអាមេរិកក្នុងការរក្សាសុវត្ថិភាព និងប្រសិទ្ធភាពបច្ចេកវិទ្យាខ្ពស់ ខណៈពេលដែលខ្លួនក្លាយជាក្រុមហ៊ុន ឧបករណ៍បណ្តាញអក្សរសាស្ត្រខាងលិចដែលអាចទុកចិត្តបាន៕