(ភ្នំពេញ)៖ ដោយមើលឃើញពីទុក្ខលំបាក និងស្មារតីខ្មែរជួយខ្មែរក្នុងគ្រាមានអាសន្នជាក់ស្ដែងដូចនេះ ក្រុមហ៊ុន «ហ្គេនស៍បឺគ» បានឧបត្ថម្ភនូវអង្ករចំនួន ១០០តោន ដល់ប្រជាជនភៀសសឹករាប់ម៉ឺននាក់ ដែលកំពុងរត់គេចខ្លួនរកកន្លែងទីសុវត្ថិភាព ពីសង្គ្រាមឈ្លានពានដ៏គឃ្លើនរបស់យោធាចោរសៀម មកលើកទឹកដីកម្ពុជាអស់រយៈពេលជាច្រើនថ្ងៃមកហើយ។

ក្នុងកាលៈទេសៈដែលប្រទេសជាតិ និងបងប្អូនប្រជាពលរដ្ឋតាមបណ្ដោយព្រំដែន កំពុងទទួលរងទុក្ខលំបាក គឺជាពេលវេលាដែលខ្មែរយើងត្រូវរួបរួមគ្នាជាងពេលណាៗទាំងអស់។ នៅថ្ងៃទី០៩ ខែធ្នូ ឆ្នាំ២០២៥នេះ ក្រុម «ហ្គេនស៍បឺគ» បានប្រកាសបន្តជួយនូវស្បៀងអាហារប្រភេទជាអង្ករ ដល់ជនភៀសសឹករបស់កម្ពុជារាប់ពាន់គ្រួសារ ដែលកំពុងជួបប្រទះការលំបាកខ្លាំងពីសង្គ្រាម។ ជាការពិតកន្លងមកក្រុមហ៊ុន «ហ្គេនស៍បឺគ» ក៏មិនដែលព្រងើយកន្តើយក្នុងការជួយ ដល់ពលរដ្ឋខ្មែររងគ្រោះព្រោះសង្គ្រាមនេះដែរ ហើយក៏មានការប្រកាសឲ្យដឹងជាបន្តបន្ទាប់ ក្នុងនោះមានជាការជួយឧបត្ថម្ភជាស្បៀងអាហារ និងសម្ភារៈដល់ទីតាំងផ្ទាល់៕