(បរទេស)៖ ក្រុមកីឡាការិនី ESports ថៃ ទាំងមូលពេលនេះត្រូវបានសហព័ន្ធកីឡា Esports ថៃ (TESF) បានសម្រេចចិត្តដកក្រុមនារីថៃចេញពីការប្រកួតលើវិញ្ញាសា Arena of Valor ពីការប្រកួត SEA Games លើកទី៣៣ ក្រោយសមាជិកក្រុម Warasin Naraphat បង្កបញ្ហាការលួចប្រើប្រាស់កម្មវិធីគ្មានការអនុញ្ញាត Unauthorized software អំឡុងពេលប្រកួតវិញ្ញាសា Arena of Valor ទល់នឹងវៀតណាម។ នេះបើយោងតាមប្រភពពី News Straits Times ថ្ងៃទី១៧ ខែធ្នូ ឆ្នាំ២០២៥ ។

Unauthorized software គឺជាកម្មវិធីជំនួយមួយដែលគ្មានការអនុញ្ញាត ហើយសហព័ន្ធកីឡា Esports ថៃ (TESF) បានបញ្ជាក់ថា Naraphat ដែលត្រូវបានគេស្គាល់ដោយឈ្មោះហៅក្រៅក្នុងហ្គេមរបស់នាងថា «Tokyogurl» ត្រូវបានដកសិទ្ធិចេញកាលពីថ្ងៃអង្គារ ដោយលើកឡើងពីការរំលោភយ៉ាងធ្ងន់ធ្ងរលើបទប្បញ្ញត្តិបច្ចេកទេស។

ជាមួយស្ថានភាពធ្ងន់ធ្ងរនៃរឿងអាស្រូវនេះ TESF ក៏បានសម្រេចចិត្តដកក្រុមនារីថៃ ចេញពីប្រកួតលើវិញ្ញាសា Arena of Valor ទាំងមូលចេញពីការប្រកួត SEA Games ខណៈវិញ្ញសានេះក្រុមនារីវៀតណាម ដណ្តើមបានមេដាយមាស ហើយនារីឡាវយកបានមេដាយប្រាក់ និងក្រុមនារីទីរម័ខាងកើត ម្ចាស់មេដាយសំរឹទ្ធ ។

បន្ថែមទៅលើភាពចម្រូងចម្រាស កីឡាការិនី Naraphat ក៏ប្រឈមមុខនឹងច្បាប់ផងដែរ ដោយមានការប្រតិកម្មចំពោះអាកប្បកិរិយាមិនសមរម្យរបស់កីឡាការិនីរូបនេះ បន្ទាប់ពីត្រូវបានគេចាប់បានថា បានលើកម្រាមដៃកណ្តាលនៅក្នុងការផ្សាយផ្ទាល់ទៅកាន់កាមេរ៉ាផងដែរ ៕