(បរទេស)៖​ Lenovo និង Nvidia បានប្រកាសបង្កើត AI Cloud Gigafactory ដែលជាគម្រោងហេដ្ឋារចនាសម្ព័ន្ធ AI ខ្នាតធំ សម្រាប់ជួយក្រុមហ៊ុន Cloud និងសហគ្រាស បង្កើត និងដំណើរការ AI បានលឿន និងមានប្រសិទ្ធភាព។​ គម្រោងនេះមានគោលបំណងបង្កើត រោងចក្រ AI​ ខ្នាតធំ (gigawatt-scale) សម្រាប់គាំទ្រការបណ្តុះបណ្តាលម៉ូឌែល AI ធំៗ (រួមទាំង AI កម្រិតខ្ពស់ និង High-Performance Computing)។

ការសហការនេះ​ Nvidia ផ្តល់បច្ចេកវិទ្យា accelerated computing (GPU/CPU កម្រិតខ្ពស់) ខណៈ Lenovo ផ្តល់ម៉ាស៊ីន Server ប្រព័ន្ធត្រជាក់ដោយទឹក Neptune™, ការផលិត និងសេវាកម្មគ្រប់ជ្រុងជ្រោយ។​ គោលដៅសំខាន់គឺកាត់បន្ថយពេលវេលាពីការវិនិយោគ AI រហូតដល់អាចប្រើប្រាស់បានពិតប្រាកដ (time to first token) និងធ្វើឱ្យ AI ក្លាយជាប្រព័ន្ធឧស្សាហកម្មពេញលេញ។

ក្រុមហ៊ុនហ៊ុន​ Lenovo​ គឺបង្កេីត​ Lenovo Qira ដែលជាវេទិកា AI ផ្ទាល់ខ្លួនឆ្លាតវៃ
Qira គឺជា AI ផ្ទាល់ខ្លួនជំនាន់ថ្មីរបស់ Lenovo ដែលដំណើរការឆ្លងកាត់ឧបករណ៍ជាច្រើន (PC, ទូរស័ព្ទ, ថេប្លេត, Wearables)។​ Qira មិនមែនជាកម្មវិធីធម្មតា ប៉ុន្តែជាប្រព័ន្ធ AI ដែលបង្កប់ក្នុងប្រព័ន្ធប្រតិបត្តិការ មានសមត្ថភាពយល់ដឹងបរិបទ និងចងចាំការប្រើប្រាស់របស់អ្នក។​ អាចប្រើបានតាមសម្លេង (“Hey Qira”), ប៊ូតុងពិសេស ឬដំណើរការផ្ទៃខាងក្រោយជានិច្ច៕