(ភ្នំពេញ)៖ ក្នុងឱកាសអបអរបុណ្យចូលឆ្នាំថ្មី ប្រពៃណីចិន ឆ្នាំមមី ណាហ្គាវើលដ៍នឹងមានការផ្តល់ជូនដ៏អស្ចារ្យជាច្រើនជាងមួយខែ ចាប់ពីថ្ងៃទី៣ ខែកុម្ភៈ រហូតដល់ថ្ងៃទី៣ ខែមីនា ឆ្នាំ២០២៦ ដែលមានម្ហូបចិននាំលាភ ការសម្តែងសិល្បៈ សេវាកម្មស្ប៉ា និងការតុបតែងលម្អយ៉ាងប្រណីត។

ភោជនីយដ្ឋានចិនឈ្នះពានរង្វាន់ Hall of Golden Chimes និង Fortune Palace មានម្ហូបឈុត និងម្ហូបដាច់ដោយឡែករូបមន្តថ្មីៗជាច្រើនជម្រើស។ នៅភោជនីយដ្ឋាន Hall of Golden Chimes មានកូនជ្រូកខ្វៃ អយស្ទ័រខជាមួយសារាយសមុទ្រ ថ្លើមក្ងានឆា និងប្រហិតសាច់បង្គា។

ម្ហូបដាច់ដោយឡែក មានតម្លៃចាប់ពី ១៩២,០០០រៀល អមជាមួយម្ហូបឈុតបែបប្រណីតពីរមុខដែលមានតម្លៃ ២,១១២,០០០រៀល និង ៣,៥៥២,០០០រៀល សម្រាប់១០នាក់ ឬ ២១១,២០០រៀល និង៣៥៥,២០០រៀល ក្នុងម្នាក់សម្រាប់មួយក្រុម ដែលមានយ៉ាងតិច ៥ នាក់។

សម្រាប់អ្នកដែលចង់សាកល្បងម្ហូបបែបប្រពៃណី អាចជ្រើសរើសម្ហូបមហាសម្បត្តិ ដែលមានគ្រឿងសមុទ្រពិសេស បូករួមនឹងសាច់ខ្វៃជាច្រើនប្រភេទ ដែលមានតម្លៃចាប់ពី ៥៥២,០០០រៀល សម្រាប់១០នាក់។ ចំណែកភោជនីយដ្ឋានចិន Fortune Palace មានមុខម្ហូបចិនបែបម៉ាឡេស៊ីរួមមាន ប៉ាវហ៊ឺអាហ្វ្រិកខាងត្បូងខជាមួយជើងក្ងាន ទាខ្វៃពិសេស និងបង្គាឆាជាមួយទឹកជ្រលក់ពងទាប្រៃ។

ម្ហូបដាច់ដោយឡែក មានតម្លៃចាប់ពី ៦៤,០០០រៀល រួមជាមួយម្ហូបឈុតប្រណីតដែលមានតម្លៃ១,៥៥២,០០០រៀល និង៣,៤៣២,០០០រៀល សម្រាប់១០នាក់ ឬតម្លៃ១៥៦,០០០រៀល និង ៣៥២,០០០រៀល ក្នុងម្នាក់សម្រាប់ក្រុមដែលមានយ៉ាងតិច៥នាក់។

ភោជនីយដ្ឋានទាំងពីរ ក៏មានបម្រើជូននូវម្ហូបអ៊ីសាងផងដែរ ដែលម្ហូបនេះ តំណាងឱ្យលាភសំណាង និងភាពសម្បូររុងរឿង។ គ្រឿងផ្សំនៃម្ហូបអ៊ីសាងមានដូចជា បង្កងអូស្ត្រាលី ត្រីសាលម៉ុន ត្រីធូណា និងគ្រឿងផ្សំជាច្រើនទៀត តម្លៃចាប់ពី ១១២,០០០រៀលប៉ុណ្ណោះ។ សូមទូរសព្ទទៅកាន់លេខ +៨៥៥ ២៣២៦ ៣០៣១ ឬអ៊ីម៉ែល [email protected] ដើម្បីកក់ទុកជាមុន។

ឆ្នាំនេះ ណាហ្គាវើលដ៍ សូមបង្ហាញជូននំស្រួយប្រពៃណីចិន៦ប្រភេទដូចជា នំតាតរសជាតិម្នាស់ នំស្រួយរសជាតិសណ្តែកដី នំស្រួយរសជាតិគ្រាប់ស្វាយចន្ទី នំស្រួយរសជាតិសណ្តែកខៀវ នំសារាយសមុទ្ររសជាតិប្រាំពីរបែប និងនំរសជាតិកំពឹសក្រៀមហឹរ ដែលត្រូវបានដាក់ក្នុងប្រអប់មានបីពណ៌យ៉ាងស្រស់ស្អាត។

សម្រាប់អតិថិជន ដែលមានបំណងជូនកាដូដល់ក្រុមគ្រួសារ មិត្តភក្តិ ដៃគូពាណិជ្ជកម្ម ឬមិត្តរួមការងារ អាចជ្រើសរើសនំនាំលាភប្រចាំហាង ដែលមានដាក់ក្នុងប្រអប់យ៉ាងប្រណីត ដែលមានលក់នៅកន្លែងទទួលភ្ញៀវ និងទីតាំងជាច្រើនទៀតនៅក្នុងសណ្ឋាគារ។

អ្វីដែលមិនធ្លាប់មានសម្រាប់ឆ្នាំនេះ គឺណាហ្គាវើលដ៍មានលក់តុក្កតារូបកូនសេះអាថ៌កំបាំងនាំសំណាងដែលមានតម្លៃ ១០០,០០០រៀល និងបន្តោងកាបូបរូបកូនសេះ តម្លៃ៤៨,០០០រៀល។ តុក្កតារូបកូនសេះនាំសំណាងទាំងបីពណ៌នេះ តំណាងឱ្យទ្រព្យសម្បត្តិហូរចូលហូរហៀរ សំណាងល្អ និងការសម្រេចបាននូវគ្រប់បំណងប្រាថ្នា។

ក្រៅពីនេះ ណាហ្គាវើលដ៍ ក៏មានឈុតអក្សរចិននាំសំណាងឥតគិតថ្លៃ សម្រាប់ផ្តល់ជូនដល់សមាជិកផងដែរ ឬអតិថិជនទូទៅត្រូវចំណាយយ៉ាងតិច២០០,០០០រៀល នៅភោជនីយដ្ឋានមួយចំនួន ឬមណ្ឌលស្ប៉ា ដើម្បីទទួលបានឈុតអក្សរចិននាំសំណាង។

ចំណែកអតិថិជនដែលមានបំណងចង់ទទួលសេវាកម្មស្ប៉ា អាចរីករាយជាមួយកញ្ចប់ប្រូម៉ូសិន បែបអាស៊ីបូព៌ាដែលមានសេវាកម្មស្អំក្តៅបែបបុរាណ និងម៉ាស្សាបែបចិនរយៈពេល២ម៉ោង ដែលមានតម្លៃ ៣៩២,០០០រៀល ដែលនឹងផ្តល់នូវអារម្មណ៍ស្រស់ស្រាយ និងសេចក្តីសុខពេញរាងកាយសម្រាប់ទទួលស្វាគមន៍ឆ្នាំថ្មី។

ដោយឡែកចាប់ពីថ្ងៃទី៦ ខែកុម្ភៈរហូតដល់ថ្ងៃទី១ ខែមីនា ណាហ្គាវើលដ៍ នឹងមានផ្តល់ជូនការសម្តែងសិល្បៈចុងសប្តាហ៍ អមជាមួយការសម្តែងពិណបុរាណចិន នៅឆាកជាន់ផ្ទាល់ដីនៅណាហ្គាវើលដ៍ទី១ និងណាហ្គាវើលដ៍ទី២ វេលាម៉ោង ៧៖៣០នាទីយប់ រួមជាមួយការសម្តែងរបស់តុក្កតាម៉ាស្កុតផងដែរ។

អ្វីដែលអស្ចារ្យផងនោះ គឺណាហ្គាវើលដ៍មានការតុបតែងយ៉ាងប្រណីត ទាំងក្នុងអគារណាហ្គាវើលដ៍ទី១ និងណាហ្គាវើលដ៍ទី២ និងក្រៅអគារនៅសួនច្បារសម្តេចតេជោ ហ៊ុន សែន ដែលមានរូបសំណាកសត្វសេះ និងពន្លឺភ្លើងដ៏ភ្លឺចែងចាំងដែលភ្ញៀវទេសចរជាតិ និងអន្តរជាតិអាចមកកម្សាន្ត និងផ្តិតយករូបភាពយ៉ាងស្រស់ស្អាត។

សូមអញ្ជើញពុកម៉ែបងប្អូនទាំងអស់អបអរបុណ្យចូលឆ្នាំថ្មីប្រពៃណីចិនឆ្នាំមមី និងរីករាយជាមួយការទទួលទានម្ហូបនាំលាភ និងការផ្តល់ជូនដ៏ច្រើននៅណាហ្គាវើលដ៍។ សម្រាប់ព័ត៌មានបន្ថែម សូមចូលទៅកាន់ www.nagaworld.com ឬតាមដានទំព័រហ្វេសប៊ុក ឬអ៊ីនស្តាក្រាមរបស់ណាហ្គាវើលដ៍៕