(បរទេស)៖ ក្រុមជម្រើសជាតិនីមួយៗ ជាញឹកញាប់តែងតែកោះហៅកីឡាករចេញពីក្លិបធំៗ ក៏ព្រោះតែកីឡាករទាំងនេះពោរពេញដោយបទពិសោធន៍ មានកម្រិតនៃការប្រកួតប្រជែងខ្ពស់ និងជាពិសេសទើបជួយក្លិបដណ្តើមបានជើងឯកថែមទៀតផង។

លើសពីនេះទៀត កីឡាករទាំងនេះក៏ទទួលបានគុណផលគ្រប់គ្រាន់ពីការបង្វឹករបស់គ្រូល្បីៗលំដាប់ world class ជាមួយនឹងសំភារៈហ្វឹកហាត់ទំនើបៗ ដែលធានាបាននូវការត្រៀមខ្លួនរួចរាល់ និងស្ថានភាពរាងកាយមាំទាំទៀតផង។

ខាងក្រោមនេះ ជាចំណុចសំខាន់ៗទាំង ៤ចំណុច ដែលជម្រើសជាតិនានា តែងតែជ្រើសរើសកីឡាកររបស់ពួកគេចេញពីក្លិបកំពូលៗ តាមរយៈការដកស្រង់ចេញពី google។

១៖ ទម្រង់លេងស្តង់ដាកម្រិតខ្ពស់

គ្រប់កីឡាករលេងនៅក្លិបធំៗ តែងតែស្ថិតក្រោមសម្ពាធខ្លាំង ដែលអាចធ្វើឱ្យពួកគេមានភាពស៊ាំ ក្នុងការលេងឱ្យជម្រើសជាតិ។

២៖ គុណភាពនៃការហ្វឹកហាត់ និងការត្រៀមខ្លួន

ក្លិបធំៗតែងតែមានឧបករណ៍ហ្វឹកហាត់ទំនើបៗ សំបូរបែបក្នុងកីឡា លក្ខណៈវិទ្យាសាស្រ្ត ការបង្វឹក ដើម្បីធានានូវកាយសម្បទា និងបច្ចេកទេស។

៣៖ វិន័យ និងបទពិសោធន៍

គ្រប់កីឡាករក្នុងក្លិបធំៗតែងតែមានភាពលេចធ្លោ និងចូលលេងបានទៀងទាត់ក្នុងការប្រកួតសំខាន់ៗ ដើម្បីរក្សាទម្រង់លេងនូវកម្រិតកំពូលដដែល។

៤៖ ស្ថិតិល្អ

កីឡាករទាំងនេះតែងតែរកគ្រាប់ស៊ុតបញ្ចូលទី បញ្ជូន និងបង្ហាញខ្លួនក្នុងកម្មវិធី UEFA Champions League ដែលជាលីគលំដាប់កំពូលនៅអឺរ៉ុប និងមានការប្រកួតប្រជែងខ្លាំង។

ជាការកត់សម្គាល់ផងដែរ នៅពេលទម្រង់លេងត្រូវបានផ្តោតជាសំខាន់ មានពេលខ្លះការជ្រើសរើសក៏ជះឥទ្ធិពលទៅលើប្រជាប្រិយភាព កេរ្តិ៍ឈ្មោះ និងជាកីឡាករនិម្មិតរូបរបស់អ្នកគាំទ្រផងដែរ។

ទោះជាយ៉ាងណា ក៏នៅមានកីឡាករមួយចំនួន សុខចិត្តចាកចេញពីក្លិបធំៗផងដែរ ទៅលេងក្លិបផ្សេង ដើម្បីមានឱកាសបង្ហាញសមត្ថភាព និងចូលលេងទៀងទាត់ ដើម្បីទាក់ភ្នែកដល់គ្រូបង្វឹកជម្រើសជាតិ ក្នុងការកោះហៅរូបគេលេងពានធំណាមួយផងដែរ៕