(បរទេស)៖ ព្រឹត្តិការណ៍បាល់ទាត់ Finalissima ត្រូវបានបង្កើតឡើងរួមបញ្ចូលគ្នារវាងសហព័ន្ធប្រចាំតំបន់អាមេរិកខាងត្បូង CONMEBOL និងអឺរ៉ុប UEFA ដោយយកតែក្រុមជើងឯកប្រចាំតំបន់ទាំងពីរតែប៉ុណ្ណោះមកប្រកួតគ្នា។

ការបង្កើតកម្មវិធីនេះឡើង ពោលគឺដើម្បីបន្តរឹតចំណងភាពជាដៃគូរវាង UEFA និង CONMEBOL ក្នុងន័យប្រកួតកំដៅសាច់ដុំផង និងដើម្បីរំលឹកដល់ព្រឹត្តិការណ៍ World Cup ផង ដែលមានតែ ២តំបន់នេះប៉ុណ្ណោះ ដណ្តើមបានជើងឯក។

ចំណុចសំខាន់ៗខាងក្រោម អាចចាត់ទុកជាមូលហេតុដែលពាន Finalissima ត្រូវបានបង្កើតឡើងមានដូចជា៖

. អបអរភាពជាដៃគូ៖ វាអាចជាសញ្ញាបញ្ជាក់ភាពខ្លាំងរវាងសហព័ន្ធ UEFA និង CONMEBOL ដែលតែងតែចូលរួមគ្រប់កម្មវិធី ទាំងបាល់ទាត់ផ្នែកនារី និងបណ្តូមន្រ្តីអាជ្ញាកណ្តាលទៀតផង។

. មរតកអន្តរទ្វីប៖ វាក៏ដើម្បីជាការរំលឹកដល់មរតកពាន Artemio Franchi Cup ដែលបានលេងលើកចុងក្រោយក្នុងឆ្នាំ១៩៩៣ និងជាកិត្តិយសប្រវត្តិសាស្រ្តរវាងទ្វីបទាំងពីរថែមទៀតផង។

. និម្មិតសញ្ញាឥតខ្ចោះ៖ ការរចនា ក៏ដូចពានទាំងមូលធ្វើពីប្រាក់ ដែលបង្ហាញ និងរួមបញ្ចូលគ្នារវាងតំបន់ទាំងពីរដែលមានក្រុមល្អផ្តាច់គេពីអឺរ៉ុប និងអាមេរិកឡាទីន។

. ការប្រកួតប្រជែងកម្រិតខ្ពស់៖ វានាំមកនូវការប្រកួតប្រជែងលំដាប់ពិភពលោក និងទាក់ទាញ ដូចជានៅឆ្នាំ២០២៦ ការប៉ះគ្នារវាងអាហ្សង់ទីន ម្ចាស់ជើងឯក World Cup និង Copa America ទល់នឹងអេស្ប៉ាញ ជើងឯក Euro 2024 ជាដើម។

គួរបញ្ជាក់ផងថា ពាន Finalissima នេះត្រូវបានបង្កើតឡើងដំបូងក្នុងឆ្នាំ១៩៨៥ និងត្រូវបានធ្វើបច្ចុប្បន្នភាពចុងក្រោយឆ្នាំ២០២២ រហូតដល់បច្ចុប្បន្ន ក្នុងន័យចែករំលែក និងរំលឹកប្រវត្តិសាស្រ្តនៃតំបន់ទាំងពីរដែលមានវិស័យបាល់ទាត់ខ្លាំងក្លាជាងគេ៕