(ភ្នំពេញ)៖ នៅថ្ងៃទី២០ ខែមីនា ឆ្នាំ២០២៦ សាកលវិទ្យាល័យអាមេរិកាំងភ្នំពេញ (AUPP) សហការជាមួយស្ថានទូតអាមេរិកប្រចាំកម្ពុជា បានរៀបចំកិច្ចពិភាក្សាដ៏បំផុសគំនិតមួយស្តីពី «ឧត្តមភាពភាពជាអ្នកដឹកនាំ៖ មេរៀនពីខួបលើកទី២៥០ នៃការអប់រំថ្នាក់ឧត្តមសិក្សារបស់សហរដ្ឋអាមេរិក» ដោយបានប្រមូលផ្តុំវាគ្មិនឆ្នើមចំនួន ៣រូប និងអ្នកចូលរួមជិត ២០០នាក់។

ព្រឹត្តិការណ៍នេះ មានការចូលរួមពីលោកស្រី Bridgette Walker ភារធារីស្ថានទូតសហរដ្ឋអាមេរិកប្រចាំនៅកម្ពុជា រួមជាមួយថ្នាក់ដឹកនាំរបស់សាកលវិទ្យាល័យ និងដៃគូស្ថាប័ននានា។

នៅក្នុងសុន្ទរកថាបើក សាកលវិទ្យាធិការនៃសាកលវិទ្យាល័យ AUPP លោក Matthew Schenk បានគូសបញ្ជាក់ពីសារៈសំខាន់នៃព្រឹត្តិការណ៍ដ៏សំខាន់នេះ ដោយសង្កត់ធ្ងន់លើឥទ្ធិពលនៃបរិវត្តកម្មការអប់រំបែបអាមេរិកនៅកម្ពុជា។ លោកបានមានប្រសាសន៍ថា៖ «យើងជួបជុំគ្នានាឱកាសនេះ គឺដើម្បីអបអរសាទរខួបលើកទី២៥០ នៃប្រវត្តិសាស្ត្រ នវានុវត្តន៍ និងភាពជាអ្នកដឹកនាំរបស់សហរដ្ឋអាមេរិក។ AUPP ត្រូវបានបង្កើតឡើងដោយជឿជាក់ថា គំរូនៃការអប់រំនេះអាចផ្លាស់ប្តូរជីវិតនៅទីនេះក្នុងប្រទេសកម្ពុជា»។

រីឯ លោកស្រី Bridgette Walker បានគូសបញ្ជាក់ពីកេរ្តិ៍ឈ្មោះជាសកលដ៏ល្បីល្បាញនៃការអប់រំថ្នាក់ឧត្តមសិក្សារបស់សហរដ្ឋអាមេរិក ដោយកត់សម្គាល់ពីភាពខ្លាំងនៅក្នុងគុណភាពអប់រំ ការស្រាវជ្រាវកម្រិតខ្ពស់ និងការប្រើប្រាស់យ៉ាងទូលំទូលាយនៃភាសាអង់គ្លេស ដែលបង្កើនឱកាសការងារជាច្រើន។

«កម្ពុជាជាប្រទេសនៃយុវជន ដែលមានប្រជាជនប្រមាណ ៦៥ ភាគរយមានអាយុក្រោម ៣៥ ឆ្នាំ។ យុវជនកម្ពុជា ក៏ដូចជាមិត្តរបស់ពួកគេនៅជុំវិញពិភពលោក កំពុងមានទំនាក់ទំនងគ្នាទៅវិញទៅមកកាន់តែខ្លាំងឡើង និងនៅទូទាំងសហគមន៍ពិភពលោក»។

យោងតាមលោកស្រី Bridgette Walker ចាប់តាំងពីឆ្នាំ ២០១២មក ចំនួននិស្សិតកម្ពុជាដែលចូលរៀននៅមហាវិទ្យាល័យ និងសាកលវិទ្យាល័យអាមេរិកបានកើនឡើងជាលំដាប់។ ក្នុងឆ្នាំ ២០២៥ លោកស្រីបានកត់សម្គាល់ឃើញថាចំនួននិស្សិតកម្ពុជាចុះឈ្មោះចូលរៀននៅសហរដ្ឋអាមេរិកបានកើនឡើងប្រមាណ ២០ភាគរយ ដែលជាការកើនឡើងគួរឱ្យកត់សម្គាល់។

លោកស្រី Walker ក៏បានគូសបញ្ជាក់ពីកិច្ចសហការជាបន្តបន្ទាប់រវាងស្ថាប័នអាមេរិក និងកម្ពុជា រួមទាំងភាពជាដៃគូរវាង AUPP សាកលវិទ្យាល័យ Arizona និងសាកលវិទ្យាល័យរដ្ឋ Fort Hays ដែលពង្រីកការទទួលបានការអប់រំអន្តរជាតិ។

កិច្ចពិភាក្សានេះក៏មានការចូលរួមពី Assistant Provost នៃសាកលវិទ្យាល័យ Fort Hays State លោកស្រី បណ្ឌិត Jeni McRay ដែលបានតាមដានការវិវត្តនៃការអប់រំកម្រិតឧត្តមសិក្សារបស់អាមេរិក និងបញ្ហាប្រឈមរបស់វា និងលោក Sonan Seth តំណាងសាកលវិទ្យាល័យ Arizona ដែលមានមូលដ្ឋាននៅប្រទេសកម្ពុជា ដែលបានចែករំលែកបទពិសោធន៍សិក្សាផ្ទាល់ខ្លួន និងការយល់ដឹងអំពីការរួមចំណែកដល់ការអភិវឌ្ឍក្នុងស្រុក។

ការពិភាក្សាផ្តោតលើភាពជាអ្នកដឹកនាំ កិច្ចសហការសកល និងតួនាទីនៃការអប់រំកម្រិតឧត្តមសិក្សាក្នុងការបណ្តុះបណ្តាលមនុស្សជំនាន់ក្រោយរបស់ប្រទេសកម្ពុជា។

ព្រឹត្តិការណ៍នេះគឺជាផ្នែកមួយនៃការប្រារព្ធខួបលើកទី២៥០ នៃការអប់រំកម្រិតឧត្តមសិក្សារបស់សហរដ្ឋអាមេរិក ដែលឆ្លុះបញ្ចាំងពីឥទ្ធិពលជាសកលដ៏យូរអង្វែងរបស់សហរដ្ឋអាមេរិកក្នុងការស្រាវជ្រាវ នវានុវត្តន៍ និងការអភិវឌ្ឍភាពជាអ្នកដឹកនាំ។

អំពី AUPP
AUPP គឺជាសាកលវិទ្យាល័យតែមួយគត់នៅក្នុងប្រទេសកម្ពុជា ដែលផ្តល់ជូននូវកម្មវិធីសិក្សាអាមេរិក និងកម្មវិធីសញ្ញាបត្រពីរដែលទទួលស្គាល់ដោយសហរដ្ឋអាមេរិក ដែលធានានូវបទពិសោធន៍អប់រំដ៏ពិសេស និងសម្បូរបែប។

ពាក្យសុំចូលរៀននៅ AUPP ចាប់ផ្តើមបើកហើយ! ដាក់ពាក្យឥឡូវនេះ៖ https://bit.ly/BachelorsApplication
ស្វែងយល់បន្ថែម៖
www.aupp.edu.kh
www.facebook.com/AUPPkh