(ភ្នំពេញ)៖ កម្មវិធីប្រកួត Latte Art Coffee បានបញ្ចប់ទៅដោយជោគជ័យយ៉ាងត្រចះត្រចង់ ក្នុងបរិយាកាសស្និទ្ធស្នាល និងពោរពេញដោយភាពច្នៃប្រឌិត នាថ្ងៃទី២៩ ខែមិនា ឆ្នាំ២០២៦នេះ ក្នុងនាមជាផ្នែកមួយនៃព្រឹត្តិការណ៍នេះ គិរីកាហ្វេ (Kiri Coffee) មានមោទនភាពយ៉ាងខ្លាំងដែលបានចូលរួមចំណែកធ្វើឱ្យកម្មវិធីប្រវត្តិសាស្ត្រនេះប្រព្រឹត្តទៅយ៉ាងរលូនរហូតដល់ទីបញ្ចប់។

ក្នុងឱកាសដ៏វិសេសវិសាលនេះ គិរីកាហ្វេ សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះលោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ធនាគារអភិវឌ្ឍន៍ជនបទ និងកសិកម្ម (ARDB) ដែលបានផ្តល់ឱកាស និងការគាំទ្រដល់គិរីកាហ្វេ បានចូលរួមបង្ហាញវត្តមានក្នុងព្រឹត្តិការណ៍ដ៏សំខាន់នេះ។

គិរីកាហ្វេ នៅតែបន្តប្តេជ្ញាចិត្តយ៉ាងមុតមាំក្នុងការ៖

* លើកកម្ពស់វិស័យកាហ្វេខ្មែរ៖ ជំរុញឱ្យកាហ្វេក្នុងស្រុកមានឈ្មោះបោះសម្លេង និងរីកចម្រើនឥតឈប់ឈរទាំងក្នុងស្រុក និងលើឆាកអន្តរជាតិ។

* គាំទ្រកសិករខ្មែរ៖ រាល់ការគាំទ្ររបស់បងប្អូន គឺជាការចូលរួមចំណែកផ្ទាល់ក្នុងការលើកកម្ពស់ជីវភាពកសិករដែលដាំដុះកាហ្វេលើទឹកដីខ្មែរពិតៗ។

* គុណភាពពិតពីធម្មជាតិ៖ គិរីកាហ្វេ ជាផលិតផលដាំដុះក្នុងស្រុក ១០០% (Made in Cambodia) ដោយមិនមានការនាំចូលពីប្រទេសជិតខាងឡើយ។

សូមអរគុណដល់អតិថិជន និងដៃគូសហការទាំងអស់ដែលតែងតែជឿជាក់លើរសជាតិ និងគុណភាពកាហ្វេខ្មែរ!
គិរីកាហ្វេ៖ កាហ្វេខ្មែរ ដើម្បីកសិករខ្មែរ!