(វៀតណាម)៖ អ្នកជំងឺស្ត្រីអាយុ៤២ ឆ្នាំម្នាក់ ដែលមានដុំសាច់ក្នុងស្បូនទំហំ ៩ សង់ទីម៉ែត្រ និងមានបញ្ហាធ្ងន់ធ្ងរនៃជំងឺមករដូវច្រើន ដែលតម្រូវឱ្យសម្រាកព្យាបាលនៅមន្ទីរពេទ្យ និងការបញ្ចូលឈាមច្រើន ត្រូវបានព្យាបាលដោយជោគជ័យនៅមន្ទីរពេទ្យ FV តាមរយៈការប្រើវិធីសាស្ត្របិទសរសៃឈាមដោយមិនចាំបាច់វះកាត់ ហើយត្រូវបានអនុញ្ញាតឱ្យចេញពីមន្ទីរពេទ្យនៅថ្ងៃតែមួយ។

* សម្រាកព្យាបាលនៅមន្ទីរពេទ្យ ដើម្បីបញ្ចូលឈាមអស់រយៈពេលជាច្រើនឆ្នាំ ដោយសារជំងឺមករដូវច្រើន

ចំពោះអ្នកស្រី N.H.N. វដ្តរដូវនីមួយៗរបស់អ្នកស្រីគឺជាថ្ងៃដ៏ហត់នឿយ ដោយសារតែការហូរឈាមយូរ និងមិនអាចគ្រប់គ្រងបាន។ អស់រយៈពេលជាច្រើនឆ្នាំមកនេះ រាងកាយរបស់គាត់តែងតែខ្សោយ និងមានអាការៈវិលមុខ ស្លេកស្លាំង និងខ្វះភាពរស់រវើក ដែលតម្រូវឱ្យចូលសម្រាកព្យាបាលនៅមន្ទីរពេទ្យ និងបញ្ចូលឈាមដើម្បីរក្សាសុខភាព។

អំឡុងពេលពិនិត្យនៅមន្ទីរពេទ្យ លទ្ធផលអ៊ុលត្រាសោនបានបង្ហាញថា នាងមានដុំសាច់ក្នុងស្បូនដែលមានទំហំរហូតដល់ ៩ សង់ទីម៉ែត្រ ដែល នេះជាមូលហេតុនៃការហូរឈាមរដូវច្រើនខុសពីធម្មតា។

គ្រូពេទ្យបានណែនាំឱ្យនាងវះកាត់យកស្បូនចេញ ដើម្បីព្យាបាលដាច់ការហូរឈាមយូរ។ ប៉ុន្តែ ដោយសារតែការព្រួយបារម្ភអំពីការវះកាត់ធំៗ និងផលវិបាករយៈពេលវែងដែលអាចកើតមាន នាងបានបន្តស្វែងរកជំនួយពីគ្រូពេទ្យនៅកន្លែងជាច្រើន ដោយសង្ឃឹមថានឹងរកឃើញវិធីព្យាបាលជំងឺរបស់នាងដោយមិនចាំបាច់វះកាត់។

* «ផ្ដាច់ចរន្តចិញ្ចឹម» ដុំសាច់ស្បូន ដោយប្រើបច្ចេកទេបិទសរសៃឈាម ទំនើប

នៅពេលដែលអ្នកស្រី N. បានទៅពិនិត្យសុខភាពនៅមន្ទីរពេទ្យ FV គាត់ត្រូវបានលោកវេជ្ជបណ្ឌិត ហ្វិញហ្វឺយ៉ាញ់ អ្នកឯកទេសផ្នែកវិទ្យុសកម្មអន្តរាគមន៍ ណែនាំឱ្យព្យាបាល ដោយវិធីសាស្ត្របិទសរសៃឈាម (បិទសរសៃឈាមទៅដុំស្បូន) មិនចាំបាច់វះកាត់។

យោងតាមលោកវេជ្ជបណ្ឌិតឯកទេសI ហ្វិញហ្វឺយ៉ាញ់ និតិវិធីបិទសរសៃឈាមដុំស្បូនគឺជានីតិវិធីដែលមានផលប៉ះពាល់តិចតួចបំផុត។ វេជ្ជបណ្ឌិតបានប្រើប្រព័ន្ធម៉ាស៊ីនថតសរសៃឈាមឌីជីថល (DSA) ដើម្បីកំណត់អត្តសញ្ញាណសរសៃឈាមដែលផ្គត់ផ្គង់ដុំសាច់បានយ៉ាងច្បាស់លាស់ បន្ទាប់មកបញ្ចូលបំពង់បូមតូចមួយចូលទៅក្នុងខ្លួនរបស់អ្នកជំងឺ បន្ទាប់មក សារធាតុបិទ សរសៃឈាមត្រូវបានចាក់ចូលទៅក្នុងទីតាំងដើម្បីរារាំងការផ្គត់ផ្គង់ឈាមទៅកាន់ដុំសាច់។

លោកវេជ្ជបណ្ឌិត ហ្វិញហ្វឺយ៉ាញ់ ក៏បានអនុវត្តនីតិវិធីដោយផ្ទាល់លើអ្នកជំងឺនៅក្នុង Cathlab ផងដែរ។ «នៅពេលដែលដុំសាច់បាត់បង់ការផ្គត់ផ្គង់ឈាម វានឹងរួញបន្តិចម្តងៗតាមពេលវេលា ហើយការហូរឈាមរដូវច្រើននឹងឈប់» លោកវេជ្ជបណ្ឌិត យ៉ាញ់ បានពន្យល់។

លោកវេជ្ជបណ្ឌិត ឯកទេសI ហ្វិញហ្វឺយ៉ាញ់ បានអនុវត្តវិធីសាស្រ្តបិទ សរសៃឈាមដើម្បីព្យាបាលជំងឺមករដូវច្រើនដែលបណ្តាលមកពីដុំសាច់ក្នុងស្បូន។ នីតិវិធីទាំងមូលចំណាយពេលប្រហែលមួយម៉ោង។ អ្នកជំងឺមានស្មារតីពេញលេញពេញជាមួយនីតិវិធីនេះ ដោយមិនត្រូវការថ្នាំសណ្តំទេ ហើយមានការឈឺចាប់តិចតួចបំផុត។ បន្ទាប់ពីមួយថ្ងៃប៉ុណ្ណោះ ការហូរឈាមបានថយចុះគួរឱ្យកត់សម្គាល់ សញ្ញាសុខភាពរបស់គាត់មានស្ថេរភាព ហើយអ្នកស្រី N. ត្រូវបានចេញពីមន្ទីរពេទ្យ។ សំរាប់ការណាត់ជួបតាមដានថ្មីៗនេះ សុខភាពរបស់នាងមានស្ថេរភាព ហើយវដ្តរដូវរបស់នាងក៏មិនមានបញ្ហាដែរ។

* ការបិទសរសៃឈាម៖ ដំណោះស្រាយល្អបំផុតសម្រាប់ស្ត្រីដែលមានដុំសាច់ក្នុងស្បូន

បច្ចេកទេសបិទសរសៃឈាមត្រូវបានអនុវត្តនៅមន្ទីរពេទ្យ FV អស់រយៈពេលជាងមួយឆ្នាំមកហើយ វាត្រូវបានបង្ហាញថាមានប្រសិទ្ធភាពខ្ពស់ក្នុងការព្យាបាលការមករដូវច្រើន មិនទៀងទាត់ និងការមករដូវយូរដែលបណ្តាលមកពីដុំសាច់ក្នុងស្បូន។

បើប្រៀបធៀបទៅនឹងការវះកាត់យកស្បូនចេញ ការបិទសរសៃឈាមផ្តល់នូវគុណសម្បត្តិជាច្រើនក្នុងការព្យាបាលជំងឺដុំសាច់ស្បូន៖
- គ្មានការវះកាត់ គ្មានការប្រើថ្នាំសណ្តំ
- មិនសូវឈឺចាប់ ការប៉ះពាល់តិចតួចបំផុត
- ពេលវេលាជាសះស្បើយលឿន អាចចេញពីមន្ទីរពេទ្យក្នុងថ្ងៃតែមួយ
- អាចរក្សារទុកស្បូន
- កាត់បន្ថយហានិភ័យនៃផលវិបាក

តាមលោកវេជ្ជបណ្ឌិត យ៉ាញ វិធីសាស្ត្របិទ សរសៃឈាមមានប្រសិទ្ធភាពជាពិសេសសម្រាប់ការហូរឈាមតាមទ្វារមាសមិនប្រក្រតីដូចជាការមករដូវច្រើន មិនទៀងទាត់ និងការមករដូវយូរដោយសារដុំសាច់ក្នុងស្បូន។ ក្នុងករណីចាំបាច់មួយចំនួន ការបិទ សរសៃឈាមស្បូនក៏ត្រូវបានប្រើសម្រាប់ការហូរឈាមក្រោយសម្រាលកូនចំពោះស្ត្រីផងដែរ ដែលជួយបញ្ឈប់ការហូរឈាមបានភ្លាមៗ។
លោកបានពន្យល់ថា«យើងបានទៅដល់ដុំសាច់តាមរយៈសរសៃឈាម ព្យាបាលវាពីខាងក្នុង គោលបំណងគឺដើម្បីជួយអ្នកជំងឺឱ្យមានការឈឺចាប់តិច កាត់បន្ថយផលវិបាក និងធ្វើឱ្យការសម្រាកព្យាបាលនៅមន្ទីរពេទ្យរបស់ពួកគេខ្លីជាងមុន នេះនាំឱ្យមានការសន្សំសំចៃថ្លៃចំណាយយ៉ាងច្រើន និងជួយអ្នកជំងឺឱ្យត្រឡប់ទៅធ្វើការ និងរស់នៅវិញបានលឿនជាងមុន» លោកវេជ្ជបណ្ឌិត យ៉ាញ់ បានពន្យល់។

នៅមន្ទីរពេទ្យFV បច្ចេកទេសបិទសរសៃឈាមត្រូវបានអនុវត្តនៅក្នុងបន្ទប់ Cathlabទំនើបបំផុត បំពេញតាមស្តង់ដារត្រួតពិនិត្យការឆ្លងមេរោគអន្តរជាតិ JCI។
គ្រូពេទ្យអន្តរាគមន៍នៅ FV ទទួលបានការបណ្តុះបណ្តាលខ្ពស់ ជាប្រព័ន្ធ និងមានបទពិសោធន៍យ៉ាងទូលំទូលាយ។ លោកវេជ្ជបណ្ឌិតឯកទេសI ហ្វិញហ្វឺយ៉ាញ់ មានបទពិសោធន៍ជាង ១០ ឆ្នាំក្នុងវិស័យអន្តរាគមន៍សរសៃឈាម ហើយលោកគឺជាវេជ្ជបណ្ឌិតម្នាក់ក្នុងចំណោមវេជ្ជបណ្ឌិតមួយចំនួនតូចដែលអាចធ្វើអន្តរាគមន៍ទាំងមនុស្សពេញវ័យ និងកុមារ។

បច្ចេកទេសបិទសរសៃឈាមកំពុងបានអនុវត្តនៅ FV រួមមាន៖
- បិទសរសៃឈាមដោយប្រើគីមីសម្រាប់ការព្យាបាលជំងឺមហារីកថ្លើម
- ការបិទសរសៃឈាមដុំសាច់ស្បូន
- ការបិទសរសៃឈាមក្រពេញប្រូស្តាត
- ការបិទសរសៃឈាមដើម្បីព្យាបាលដុំសាច់ជាច្រើនប្រភេទ (ដុំសាច់ថ្លើម ដុំសាច់តម្រងនោម ដុំសាច់ឆ្អឹង ដុំសាច់ជាលិកាទន់ ដុំសាច់សរសៃឈាម ភាពមិនប្រក្រតីនៃសរសៃឈាម)។
- អន្តរាគមន៍យកកំណកឈាមចេញពីសរសៃឈាមខួរក្បាល
- ការព្យាបាលដោយអន្តរាគមន៍សម្រាប់ជំងឺប៉ោងសរសៃឈាមខួរក្បាល
- អន្តរាគមន៍សម្រាប់ភាពមិនប្រក្រតីនៃសរសៃឈាមខួរក្បាល
- ស្ទះសរសៃឈាមព្យាបាលជំងឺ fistula សរសៃឈាមអារទែរ និងសរសៃឈាមវ៉ែន dural

ដើម្បីកំណត់ពេលណាត់ជួបសម្រាប់ការពិនិត្យ និងព្យាបាល សូមទាក់ទងការិយាល័យតំណាងមន្ទីរពេទ្យ FV ក្នុងទីក្រុងភ្នំពេញ ប្រទេសកម្ពុជា តាមរយៈលេខទូរសព្ទ (+855) 23 211 777 ឬខ្សែទូរសព្ទលេខ (+855) 89 999 345៕