(ភ្នំពេញ )៖ ធនាគារ ហត្ថា បានទទួលលិខិតសរសើរពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដោយបានថ្លែងកោតសរសើរថាជាសហគ្រាសបង់ពន្ធច្រើនជាងគេមួយក្នុងចំណោមធនាគារផ្សេងទៀតនៅកម្ពុជា និងទទួលបានអនុលោមភាពសារពើពន្ធប្រភេទមាស ក្នុងឆ្នាំ 2025 ។

ការទទួលស្គាល់នេះ ឆ្លុះបញ្ចាំងពីការប្តេជ្ញាចិត្តឥតងាករេរបស់ធនាគារ ហត្ថា ក្នុងការធ្វើអាជីវកម្ម ប្រកបដោយការទទួលខុសត្រូវខ្ពស់ តម្លាភាព និងអនុលោមយ៉ាងខ្ជាប់ខ្ជួនតាមកាតព្វកិច្ច និងបទប្បញ្ញត្តិពន្ធដាររបស់ប្រទេសកម្ពុជា ។

ស្របពេលជាមួយនេះ ធនាគារ នេះ បានប្តេជ្ញារក្សាបទដ្ឋានខ្ពស់បំផុត ដើម្បីរួមចំណែកដល់ការរីកចម្រើនរបស់ប្រទេសជាតិ៕