(ភ្នំពេញ)៖ មនុស្សគ្រប់ជំនាន់សុទ្ធតែមានរឿងរ៉ាវជីវិតរៀងៗខ្លួន។ សម្រាប់យុវជនកម្ពុជាបច្ចុប្បន្នរឿងរ៉ាវរបស់ពួកគេ គឺការប្រឹងប្រែងសាងឱកាសថ្មីៗសម្រាប់អនាគត ដោយមិនបោះបង់ចោលតម្លៃវប្បធម៌ និងអត្តសញ្ញាណរបស់ខ្លួនឡើយ។ ដោយផ្អែកលើទស្សនៈដ៏មានអត្ថន័យនេះហើយ បានជំរុញឱ្យធនាគារ វីង បង្កើតយុទ្ធនាការ «ពុះពារ» ឡើងយ៉ាងពិសេសសម្រាប់យុវជន រហូតយុទ្ធនាការនេះត្រូវបានជ្រើសរើសជាអ្នកឈ្នះពានរង្វាន់ «យុទ្ធនាការនវានុវត្តន៍ម៉ាកយីហោឆ្នើម ប្រចាំឆ្នាំនៅកម្ពុជាសម្រាប់ឆ្នាំ២០២៦» ពីកម្មវិធីពានរង្វាន់ទស្សនាវដ្តីម៉ាកយីហោសកល Global Brands Magazine Awards។

ពានរង្វាន់នេះ គឺជាការទទួលស្គាល់នូវយុទ្ធនាការ ដែលបានបំផុសផ្នត់គំនិតយុវជនកម្ពុជាឱ្យមានមោទនភាព ចំពោះអត្តសញ្ញាណរបស់ខ្លួន ហ៊ានសម្រេចក្តីស្រមៃ និងបោះជំហានស្វាហាប់ឆ្ពោះទៅរកអនាគតដ៏ត្រចះត្រចង់។ លើសពីយុទ្ធនាការផ្សព្វផ្សាយទូទៅ «ពុះពារ» ត្រូវបានបង្កើតឡើងដើម្បីឆ្លើយតប ទៅនឹងក្តីប្រាថ្នារបស់យុវជនជំនាន់ថ្មី ដែលជានិច្ចកាលតែងមានមោទនភាពចំពោះអត្តសញ្ញាណជាតិខ្លួន ហ៊ានពុះពារដើម្បីសម្រេចក្តីស្រមៃ និងមានឆន្ទៈមោះមុតក្នុងការបង្កើតអនាគតដ៏ល្អប្រសើរសម្រាប់ខ្លួនឯង និងក្រុមគ្រួសារ។

កញ្ញា គិត វីននីដា នាយិកាគ្រប់គ្រងទីផ្សារនៃធនាគារ វីង បានលើកឡើងថា «យើងខ្ញុំពិតជាមានសេចក្តីសោមនស្សរីករាយដែលយុទ្ធនាការ “ពុះពារ” ត្រូវបានទទួលស្គាល់នៅលើឆាកអន្តរជាតិ។ យុទ្ធនាការនេះ ត្រូវបានបង្កើតឡើងជាពិសេសសម្រាប់យុវជនកម្ពុជា ដែលតែងតែរក្សាអត្តសញ្ញាណដើមរបស់ខ្លួនជានិច្ច ស្របពេលដែលពួកគេកំពុងប្រឹងប្រែងឈោងចាប់ភាពជោគជ័យថ្មីៗ។ ពានរង្វាន់នេះ បានឆ្លុះបញ្ចាំងពីភាពស្និទ្ធស្នាល ដែលយើងចង់កសាងជាមួយពួកគេ ហើយវាក៏ជាកម្លាំងចិត្តជំរុញឱ្យយើងបន្តគាំទ្រ រាល់ដំណើរឆ្ពោះទៅមុខរបស់ពួកគេជានិច្ច»។

ភាពជោគជ័យនៃយុទ្ធនាការ «ពុះពារ» គឺផ្ដើមចេញពីការយល់ឃើញយ៉ាងសាមញ្ញមួយថា មានត្រឹមគោលដៅ គឺមិនគ្រប់គ្រាន់នោះទេ។ យុវជនកម្ពុជាជាច្រើនមានក្តីស្រមៃចង់បន្តការសិក្សាខ្ពង់ខ្ពស់ បង្កើតអាជីវកម្មផ្ទាល់ខ្លួន ជួយផ្គត់ផ្គង់គ្រួសារ ឬស្វែងរកឱកាសថ្មីៗ។ យ៉ាងណាមិញ រាល់ការសម្រេចគោលដៅទាំងនេះ សុទ្ធតែទាមទារឱ្យមានការចាប់ផ្តើមចេញពី ការបណ្តុះទម្លាប់គ្រប់គ្រងហិរញ្ញវត្ថុបានយ៉ាងល្អ និងត្រឹមត្រូវជាមុនសិន។

ដើម្បីជួយរុញច្រានក្តីស្រមៃទាំងនោះឱ្យក្លាយជាការពិត ធនាគារ វីង បានលើកយក «គណនីសន្សំដើម្បីគោលដៅ» មកធ្វើជាចំណុចស្នូលនៃយុទ្ធនាការនេះ។ មុខងារដ៏ពិសេសនេះ អាចជួយឱ្យអតិថិជនកំណត់គោលដៅសន្សំផ្ទាល់ខ្លួន ងាយស្រួលតាមដានលុយសន្សំ និងជួយជំរុញទឹកចិត្តអតិថិជនឱ្យសន្សំបន្ត រហូតដល់សម្រេចគោលដៅ​ មិនថាជាការសន្សំលុយទុកបង់ថ្លៃសាលា ត្រៀមចេញរកស៊ី ផែនការដើរលេងក្រៅប្រទេសជាលើកដំបូង ឬសម្រាប់គោលដៅធំៗក្នុងជីវិតផ្សេងទៀតនោះទេ។ លើសពីនេះ អតិថិជនក៏នឹងទទួលបានអត្រាការប្រាក់រហូតដល់ ៥% ក្នុងមួយឆ្នាំ ស្របពេលដែលទឹកប្រាក់សន្សំរបស់ពួកគេ នឹងបន្តរីកចម្រើនឡើងជាលំដាប់។

ហេតុនេះហើយ យុទ្ធនាការ «ពុះពារ» មិនត្រឹមតែជាយុទ្ធនាការផ្សព្វផ្សាយធម្មតាប៉ុណ្ណោះទេ ប៉ុន្តែវាបានក្លាយជាសាររំឭកមួយថា គ្រប់សមិទ្ធផលទាំងអស់សុទ្ធតែផ្ដើមចេញពីផែនការ ហើយគ្រប់ផែនការ គឺត្រូវផ្ដើមចេញពីការមានគោលដៅច្បាស់លាស់។ តាមរយៈការផ្សាភ្ជាប់គ្នារវាងការបំផុសផ្នត់គំនិត និងសេវាកម្មហិរញ្ញវត្ថុដែលអាចអនុវត្តបាន ធនាគារ វីង កំពុងជួយយុវជនកម្ពុជាឱ្យ ប្រែក្លាយបំណងប្រាថ្នាទៅជាសកម្មភាព និងឈានទៅសម្រេចគោលដៅអនាគតដែលពួកគេបានគ្រោងទុក។

សមិទ្ធផលនៃពានរង្វាន់នេះ បានបង្ហាញយ៉ាងច្បាស់ពីការប្តេជ្ញាចិត្តរបស់ធនាគារ វីង ក្នុងការបង្កើតដំណោះស្រាយហិរញ្ញវត្ថុថ្មីៗ ដើម្បីឆ្លើយតបទៅនឹងបំណង​ ក៏ដូចជាតម្រូវការចម្បងរបស់អតិថិជន។ តាមរយៈការយល់ពីតម្រូវការរបស់យុវជនកម្ពុជា និងការផ្តល់ជូននូវមធ្យោបាយ ដែលជួយពួកគេឱ្យសម្រេចគោលដៅបាន ធនាគារ វីង នៅតែបន្តធ្វើឱ្យការរីកចម្រើនផ្នែកហិរញ្ញវត្ថុ កាន់តែមានភាពងាយស្រួល និងអត្ថប្រយោជន៍។

តើអ្នកត្រៀមខ្លួន «ពុះពារ» បង្កើតភាពជោគជ័យសម្រាប់ខ្លួនឯងហើយឬនៅ? ដោនឡូតអេប Wing Bank និងចាប់ផ្ដើមប្រើប្រាស់គណនីសន្សំដើម្បីគោលដៅ ដើម្បីធ្វើឱ្យក្ដីស្រមៃក្លាយជាសមិទ្ធផលជាក់ស្ដែង ក្នុងជីវិតជាមួយនឹងការបោះជំហានទៅមុខដោយទំនុកចិត្ត៕