(វៀតណាម)៖ បន្ទាប់ពីការព្យាបាលដុំសាច់ផ្សិតសួត ឥតឈប់ឈររយៈពេលកន្លះឆ្នាំ ជាមួយនឹងថ្នាំកម្រិតខ្ពស់ដែលត្រូវបានចេញវេជ្ជបញ្ជាដោយវេជ្ជបណ្ឌិតនៅកម្ពុជា និងថៃ ប៉ុន្តែមិនទទួលបានជោគជ័យ និងមានការក្អកចេញឈាមឡើងវិញ លោកស្រី N.L អាយុ ៥៨ឆ្នាំ បានមកដល់មន្ទីរពេទ្យ FV ដើម្បីស្វែងរកការព្យាបាល។

នៅ FV លោកអនុបណ្ឌិតវេជ្ជបណ្ឌិតឯកទេស២ លឿងង៉ុកទ្រុង បានប្រើប្រាស់មនុស្សយន្ត da Vinci Xi ដើម្បីធ្វើការវះកាត់ ដោយបានជួយសង្គ្រោះគាត់ពី «សេចក្តីស្លាប់» និងជាសះស្បើយយ៉ាងឆាប់រហ័សក្នុងរយៈពេលត្រឹមតែ ៣ថ្ងៃប៉ុណ្ណោះ។

* កន្លះឆ្នាំ«បន់ស្រន់គ្រប់ទិសទី» និងការភ័យខ្លាចយ៉ាងខ្លាំងចំពោះផលវិបាកពី «ក្អកចេញឈាមភ្លាមៗ»
អ្នកស្រី N.L ត្រូវបានគេធ្វើរោគវិនិច្ឆ័យថាមានដំបៅមួយនៅផ្នែកខាងលើនៃសួតខាងឆ្វេង វាត្រូវបានកំណត់ថាជាដុំសាច់ផ្សិតសួត។ អស់រយៈពេលប្រាំមួយខែ អ្នកស្រីបន្តប្រើប្រាស់ថ្នាំប្រឆាំងនឹងផ្សិត ក្នុងកម្រិតអតិបរមានៅតាមមន្ទីរពេទ្យធំៗក្នុងប្រទេសកម្ពុជា គាត់ថែមទាំងបានទៅព្យាបាលនៅប្រទេសថៃទៀតផង។ ប៉ុន្តែ ដុំសាច់មិនបានរួញតូចទេហើយ កាន់តែគ្រោះថ្នាក់ជាងនេះទៅទៀត អ្នកជំងឺជួនកាលក្អកចេញឈាម។

ក្រោយមក អ្នកស្រី L. បានធ្វើដំណើរទៅកាន់ប្រទេសវៀតណាមហើយបានស្វែងរកការព្យាបាលនៅមន្ទីរពេទ្យ FV។ អនុបណ្ឌិតវេជ្ជបណ្ឌិតឯកទេស២ លឿងង៉ុកទ្រុង ប្រធានផ្នែកសរសៃឈាមនិងអន្តរាគមន៍សរសៃឈាម និងជា អ្នកឯកទេសវះកាត់ទ្រូង បានពន្យល់អំពីស្ថានភាពរបស់អ្នកជំងឺដូចជា «គ្រាប់បែកពេលវេលា»។ ដុំសាច់ដុះផ្សិតមានទំហំរហូតដល់ ៤,៦ សង់ទីម៉ែត្រ ស្ថិតនៅជិតផ្លូវដង្ហើម និងសរសៃឈាមអាអក វាបង្កហានិភ័យនៃការឈ្លានពានសរសៃឈាម ឬដាច់ចូលទៅក្នុងផ្លូវដង្ហើម។

ស្ថានភាពនេះអាចនាំឱ្យមាន «ក្អកចេញឈាមភ្លាមៗ» ការហូរឈាមយ៉ាងច្រើនពីផ្លូវដង្ហើម ដែលជាផលវិបាកមួយដែលអាចបណ្តាលឱ្យស្លាប់ភ្លាមៗ។
ការប្រើប្រាស់ថ្នាំ corticosteroids រយៈពេលយូរអាចនាំឱ្យមានការវិវត្តនៃរោគសញ្ញា «pseudo-Cushing» ចំពោះអ្នកជំងឺ រួមជាមួយនឹងជំងឺខ្សោយសាច់ដុំ។ ទន្ទឹមនឹងនេះ ការប្រើប្រាស់ថ្នាំប្រឆាំងនឹងផ្សិតរយៈពេលវែងក៏អាចប៉ះពាល់ដល់មុខងារថ្លើម បញ្ហាតម្រងនោម និងការធ្លាក់ចុះនៃសុខភាពទូទៅ។

* ការវះកាត់ដោយមនុស្សយន្ត៖ ដំណោះស្រាយល្អបំផុតសម្រាប់របួសទ្រូងស្មុគស្មាញ

នៅចំពោះស្ថានភាពបន្ទាន់ គ្រូពេទ្យនៅមន្ទីរពេទ្យ FV បានសម្រេចចិត្តយកផ្នែកខ្លះនៃសួតដែលមានដុំសាច់ផ្សិតចេញ ដើម្បីព្យាបាលឱ្យបានពេញលេញ។ ជំនួស ឲ្យ ការ វះកាត់ ចោះ តាម បែប ប្រពៃណី ក្រុម ការងារ បាន ជ្រើសរើស យក ប្រព័ន្ធ មនុស្សយន្ត Da Vinci Xi ដើម្បី ធានា បាន នូវ ភាព ជាក់លាក់ ដាច់ខាត។

ពន្យល់ពីជម្រើសនេះ លោកអនុបណ្ឌិតវេជ្ជបណ្ឌិតឯកទេស២ លឿងង៉ុកទ្រុង បានមានប្រសាសន៍ថា«មនុស្សយន្ត អាចបត់បែនបាន សូម្បីតែនៅក្នុងតំបន់ជ្រៅៗនៃប្រហោងទ្រូង ដែលជាកន្លែង មានរចនាសម្ព័ន្ធសំខាន់ៗជាច្រើនដូចជាសរសៃឈាមដែលភ្ជាប់ទៅនឹងបេះដូង ដំបៅសរសៃប្រសាទ រចនាសម្ព័ន្ធឆ្ងាយៗ នៅលើដំបូលសួត នៅក្នុងជ្រុង ចន្លោះរវាងសួត និងបេះដូង... ដោយនោះ បញ្ហាប្រឈមនៃការវះកាត់ត្រូវបានដោះស្រាយកាន់តែត្រឹមត្រូវ និងមានសុវត្ថិភាព។

យោងតាមលោកវេជ្ជបណ្ឌិត ទ្រុង អំឡុងពេលវះកាត់ គ្រូពេទ្យវះកាត់នឹងគ្រប់គ្រងសាច់ដុំដោយប្រើដៃរ៉ូបូតតូចៗដែលអាចធ្វើចលនាក្នុងចន្លោះតូចចង្អៀត ដែលកាត់បន្ថយការឈ្លានពានហើយដូច្នេះកាត់បន្ថយការឈឺចាប់ក្រោយការវះកាត់សម្រាប់អ្នកជំងឺ។
ជាពិសេស ចំពោះដុំសាច់ដែលមានទីតាំងនៅជិតផ្លូវដង្ហើម ដូចក្នុងករណីនេះ មនុស្សយន្តអាចជួយគ្រប់គ្រង ដំណើរការវះកាត់បានកាន់តែប្រសើរ ផ្ដាច់ការស្អិតដែលបណ្តាលមកពីការរលាកយូរ និងកាត់បន្ថយហានិភ័យនៃការបែកដុំសាច់ផ្សិតអំឡុងពេលវះកាត់។

ការវះកាត់មានរយៈពេលប្រហែល១៤០ នាទី ផ្តោតលើការដកយកផ្នែកនៃសួតដែលមានដុំសាច់ផ្សិតចេញទាំងស្រុង គោលបំណងសំខាន់គឺលុបបំបាត់ប្រភពនៃជំងឺ។ បន្ទាប់ពីការវះកាត់រួច លោកស្រី N.L បានជាសះស្បើយយ៉ាងឆាប់រហ័ស ហើយបានចេញពីមន្ទីរពេទ្យបន្ទាប់ពីរយៈពេលត្រឹមតែ ៣ ថ្ងៃប៉ុណ្ណោះ។

ក្នុងអំឡុងពេលពិនិត្យឡើងវិញថ្មីៗនេះ សុខភាពរបស់អ្នកជំងឺបានប្រសើរឡើងគួរឱ្យកត់សម្គាល់។ ជាពិសេស អ្នកជំងឺអាចបញ្ឈប់ការប្រើថ្នាំប្រឆាំងនឹងផ្សិតបានទាំងស្រុង បន្ទាប់ពីប្រើប្រាស់រយៈពេលយូរ ក្នុងពេលជាមួយគ្នានេះ ក៏បន្តតាមដាន និងព្យាបាលជំងឺរួមផ្សំគ្នាដូចជាជំងឺ Cushing និងជំងឺខ្សោយសាច់ដុំដោយគ្រូពេទ្យឯកទេសខាងអរម៉ូន។

* ការព្រមាន៖ ដុំសាច់ផ្សិតសួត «ឃាតករស្ងាត់ស្ងៀម»

ដុំសាច់ផ្សិតសួតអាចបណ្តាលឱ្យមានផលវិបាកធ្ងន់ធ្ងរជាច្រើន ជាពិសេសហានិភ័យនៃការក្អកចេញឈាមភ្លាមៗគំរាមកំហែងដល់អាយុជីវិត។ គ្រូពេទ្យណែនាំ អ្នកជំងឺមានរោគសញ្ញានៃការក្អកជាប់យូរ ក្អកចេញឈាម ឬរោគសញ្ញាដែលមិនប្រសើរឡើងបន្ទាប់ពីការព្យាបាលដោយថ្នាំប្រឆាំងផ្សិត តម្រូវឱ្យមានការពិនិត្យបន្ថែមដោយអ្នកឯកទេសសម្រាប់ការវាយតម្លៃ និងអន្តរាគមន៍ទាន់ពេលវេលា។ ការសម្របសម្រួលត្រឹមត្រូវរវាងការព្យាបាលដោយវេជ្ជសាស្ត្រ និងការវះកាត់ដើរតួនាទីយ៉ាងសំខាន់ក្នុងប្រសិទ្ធភាពនៃការព្យាបាល និងការព្យាករណ៍រយៈពេលវែងសម្រាប់អ្នកជំងឺ។

យោងតាមលោកអនុបណ្ឌិតវេជ្ជបណ្ឌិតឯកទេស២ លឿងង៉ុកទ្រុង ក្នុងការព្យាបាលដុំសាច់ផ្សិតសួត ថ្នាំប្រឆាំងនឹងផ្សិតតែងតែជាជំហានដំបូងចាំបាច់ ទោះបីជាអ្នកជំងឺត្រូវបានចង្អុលបង្ហាញសម្រាប់ការវះកាត់ក៏ដោយ។

ប៉ុន្តែចំពោះករណីដែលមិនឆ្លើយតបទៅនឹងការព្យាបាលដែលពឹងផ្អែកខ្លាំង ជាពិសេសនៅពេលដែលដុំសាច់មានទំហំធំ ហើយមានទីតាំងនៅជិតរចនាសម្ព័ន្ធដ៏គ្រោះថ្នាក់ ការវះកាត់ក្លាយជាដំណោះស្រាយចាំបាច់សម្រាប់ការព្យាបាលពេញលេញ។

ក្នុងស្ថានភាពទាំងនេះ ការអនុវត្តការវះកាត់ដោយមនុស្សយន្តជួយបង្កើនភាពត្រឹមត្រូវ នេះធានាសុវត្ថិភាពក្នុងអំឡុងពេលដំណើរការអន្តរាគមន៍ ខណៈពេលកាត់បន្ថយពេលវេលានៃការជាសះស្បើយរបស់អ្នកជំងឺ សន្សំសំចៃការ ចំណាយ និងពេលវេលាស្នាក់នៅមន្ទីរពេទ្យផងដែរ។

ការវះកាត់ដោយមនុស្សយន្តកំពុងត្រូវបានអនុវត្តនៅក្នុងជំនាញជាច្រើននៅមន្ទីរពេទ្យ FV ដូចជាការវះកាត់ទូទៅ ប្រព័ន្ធទឹកនោម ទ្រូង រោគស្ត្រី ជំងឺមហារីក ហើយនឹងបន្តពង្រីកនាពេលអនាគត រួមចំណែកដល់ការកែលម្អគុណភាពនៃការព្យាបាល និងកាត់បន្ថយការឈ្លានពានសម្រាប់អ្នកជំងឺ។
ដើម្បីដាក់ពង្រាយប្រព័ន្ធមនុស្សយន្តទំនើបដោយជោគជ័យ FV តែងតែមានក្រុមអ្នកជំនាញដែលមានបទពិសោធន៍គ្លីនិកយ៉ាងទូលំទូលាយ និងការបណ្តុះបណ្តាលយ៉ាងហ្មត់ចត់ក្នុងការវះកាត់ដោយមនុស្សយន្ត។ ការវះកាត់ត្រូវបានអនុវត្តនៅក្នុងបន្ទប់វះកាត់ដែលគោរពយ៉ាងតឹងរ៉ឹងតាមស្តង់ដារវេជ្ជសាស្ត្រអន្តរជាតិ JCI ធានាបាននូវបរិស្ថានគ្មានមេរោគទាំងស្រុង ដើម្បីលុបបំបាត់ហានិភ័យនៃការឆ្លងមេរោគ និងផលវិបាក។

ដើម្បីកំណត់ពេលណាត់ជួបសម្រាប់ការពិនិត្យ និងព្យាបាល សូមទាក់ទងការិយាល័យតំណាងមន្ទីរពេទ្យ FV ក្នុងទីក្រុងភ្នំពេញ ប្រទេសកម្ពុជា តាមរយៈលេខទូរសព្ទ (+855) 23 211 777 ឬខ្សែទូរសព្ទលេខ (+855) 89 999 345៕