(ប៉េកាំង)៖ មហាអំណាចសេដ្ឋកិច្ច និងបច្ចេកវិទ្យាតែពីរនៅលើពិភពលោក គឺសហរដ្ឋអាមេរិក និងចិន ត្រូវបានរាយការណ៍ថា គ្រោងនឹងរៀបចំជំនួបពិភាក្សាកម្រិតអន្តររដ្ឋាភិបាលស្តីពីបញ្ញាសិប្បនិម្មិត (AI) នៅខែកញ្ញា ឆ្នាំ២០២៦ ខាងមុខនេះ ក្នុងគោលបំណងឆ្លើយតប និងគ្រប់គ្រងហានិភ័យដែលកើតចេញពីការរីកចម្រើនយ៉ាងគំហុកនៃម៉ូដែល AI កម្រិតខ្ពស់។ នេះបើយោងតាមប្រភពជិតស្និទ្ធចំនួន ៥រូប ដែលសុំមិនបញ្ចេញឈ្មោះ បានទម្លាយប្រាប់ទីភ្នាក់ងារសារព័ត៌មាន Reuters នៅថ្ងៃអង្គារ ទី២១ ខែកក្កដា ឆ្នាំ២០២៦។

កិច្ចពិភាក្សាដ៏សំខាន់នេះ គឺជាផ្លែផ្កានៃជំនួបកំពូលកាលពីខែមីថុនា រវាងប្រធានាធិបតីអាមេរិក លោក ដូណាល់ ត្រាំ និងប្រធានាធិបតីចិន លោក ស៊ី ជិនពីង។ ជំនួប AI នេះត្រូវបានរំពឹងថានឹងប្រព្រឹត្តទៅមុនពេលដែលលោក ស៊ី ជិនពីង អញ្ជើញទៅបំពេញទស្សនកិច្ចផ្លូវការនៅសហរដ្ឋអាមេរិក នៅថ្ងៃទី២៤ ខែកក្កដា ឆ្នាំ២០២៦ ខាងមុខ។

យោងតាមប្រភពព័ត៌មានបានឱ្យដឹងថា កិច្ចពិភាក្សាផ្លូវការនៅខែកញ្ញានេះ នឹងត្រូវដឹកនាំដោយរដ្ឋមន្ត្រីក្រសួងរតនាភិបាលអាមេរិក លោក Scott Bessent។ ការជ្រើសរើសក្រសួងរតនាភិបាលឱ្យធ្វើជាប្រមុខដឹកនាំកិច្ចពិភាក្សា ជំនួសឱ្យក្រសួងការបរទេស ឬក្រសួងពាណិជ្ជកម្ម បានស្តែងឱ្យឃើញថា ក្រុងវ៉ាស៊ីនតោនមើលឃើញបញ្ហាសន្តិសុខ AI ថាមានការប្រទាក់ក្រឡាយ៉ាងជិតស្និទ្ធជាមួយទណ្ឌកម្មសេដ្ឋកិច្ច ការរឹតត្បិតលំហូរដើមទុន និងការគ្រប់គ្រងពាណិជ្ជកម្ម។

អជារវាងមហាអំណាចទាំងពីរ ត្រូវបានបង្កើតឡើងចំពេលដែលភាគីទាំងសងខាងមានក្តីបារម្ភកាន់តែខ្លាំងពីសមត្ថភាព AI របស់គូប្រជែង ដោយ ក្រុងវ៉ាស៊ីនតោនបារម្ភពីការយកម៉ូដែល AI ទៅប្រើប្រាស់ក្នុងសង្គ្រាមសាយប័រលើហេដ្ឋារចនាសម្ព័ន្ធសំខាន់ៗ ការអភិវឌ្ឍអាវុធយោធា និងការដែលក្រុមហ៊ុនចិនលួចយកទិន្នន័យនៃម៉ូដែលភាសាខ្នាតធំ (LLM) របស់អាមេរិកទៅបង្វឹកប្រព័ន្ធរបស់ខ្លួន ខណៈដែលរបស់ចិន (ដូចជា Kimi K3) ដោយក្រុមហ៊ុនអាមេរិក ឬយ៉ាងណា។

លោក Paul Triolo អ្នកជំនាញបច្ចេកវិទ្យាមកពីក្រុមហ៊ុនប្រឹក្សាយោបល់ DGA-Albright Stonebridge Group បានផ្តល់ការវាយតម្លៃថា៖ «នេះគឺជាជំនួបផ្លូវការដំបូងបង្អស់រវាងរដ្ឋាភិបាលទាំងពីរលើប្រធានបទ AI ក្រោមអាណត្តិលោក ដូណាល់ ត្រាំ។ វាប្រហែលជាមិនទាន់អាចដោះស្រាយបញ្ហាធំៗ ឬជម្លោះពាណិជ្ជកម្មបានភ្លាមៗនោះទេ ប៉ុន្តែវាជាជំហានដំបូងដ៏សំខាន់ក្នុងការកំណត់និយមន័យរួម ដូចជាការព្រមព្រៀងលើនិយមន័យនៃអ្វីទៅជា "Frontier AI Model" និងការទប់ស្កាត់មិនឱ្យបច្ចេកវិទ្យា AI គ្រោះថ្នាក់ធ្លាក់ទៅក្នុងដៃក្រុមបក្សពួកខុសច្បាប់ (Non-state actors)»។

ទោះបីជាថ្ងៃបរិច្ឆេទ របៀបវារៈជាក់លាក់ និងសមាសភាពប្រតិភូពេញលេញរបស់ភាគីទាំងសងខាងកំពុងស្ថិតក្នុងការសម្របសម្រួលចុងក្រោយក៏ដោយ ប៉ុន្តែកិច្ចសន្ទនានេះត្រូវបានគេមើលឃើញថាជា «ច្រកផ្លូវការទូតបច្ចេកវិទ្យាដ៏សំខាន់បំផុត» ដើម្បីបញ្ចៀសសង្គ្រាមត្រជាក់ឌីជីថលដែលout-of-control រវាងអាមេរិក និងចិន៕