ផ្តើមពីអ្នកដែលមានបញ្ហាសក់ខូច និងជ្រុះ! លោកស្រី ផន សុផារី សម្រេចបង្កើតផលិតផលថែរក្សាសក់ប្រកបដោយគុណភាពខ្ពស់ ជាមួយសារធាតុផ្សំពីផ្សិត White Truffle ដើម្បីដោះស្រាយបញ្ហាសក់ខូច និងជ្រុះ
03-08-2026 20:21
(ភ្នំពេញ)៖ ផលិតផល Kénz Cambodia ដែលរួមមាន សាប៊ូកក់សក់ ក្រែមបន្ទន់សក់ និងស្រ្កាប់សក់ ត្រូវបានសម្ពោធផ្លូវការ នារាត្រីថ្ងៃទី០២ ខែសីហា ឆ្នាំ២០២៦ បន្ទាប់ពីបានស្រាវជ្រាវ និងធ្វើតេស្តអស់ជាច្រើនឆ្នាំ ដើម្បីដោះស្រាយបញ្ហាសក់ខូច សក់ជ្រុះ និងថែរក្សាសក់ឱ្យមានសុខភាព។
ពិធីសម្ពោធផលិតផល Kénz Cambodia បានរៀបចំឡើងយ៉ាងអធិកអធម ដោយមានការចូលរួម ពីសំណាក់ភ្ញៀវកិត្តិយស តារាសម្តែង តារាចម្រៀង និងអ្នកបង្កើតមាតិកាល្បីជាច្រើនរូប នៅសណ្ឋាគារសាន់ អ៊ែនម៉ូន។
លោក សុង សុវណ្ណារ៉ា នាយកប្រតិបត្តិនៃផលិតផល Kénz Cambodia បានថ្លែងថា ការបង្កើតផលិតផលនេះឡើង គឺក្នុងគោលបំណងផ្តល់ជូនប្រជាជនកម្ពុជានូវផលិតផលដែលមានស្តង់ដារ និងគុណភាពខ្ពស់ ព្រមទាំងមានសារធាតុផ្សំច្បាស់លាស់ និងមានតម្លៃសមរម្យសម្រាប់អ្នកប្រើប្រាស់។
លោកបន្តថា មុននឹងបង្កើតចេញជារូបរាងជាផលិតផលសម្រេចដូចពេលនេះ ផលិតផលនេះ ត្រូវបានឆ្លងកាត់ការគិតគូរយ៉ាងល្អិតល្អន់ និងធ្វើតេស្តជាច្រើនលើកច្រើនសារ ព្រមទាំងធ្វើការសិក្សាយ៉ាងស៊ីជម្រៅពីបញ្ហារបស់អតិថិជនជាចម្បង។ ហេតុដូច្នេះហើយ ទើបក្រុមការងារបានសម្រេចចម្រាញ់យកវត្ថុធាតុដើមដ៏ប្រណិត និងមានតម្លៃខ្ពស់ គឺផ្សិត White Truffle ដែលជាផ្សិតកម្រ និងមានតម្លៃថ្លៃបំផុតនៅលើពិភពលោក ដោយមានតម្លៃចន្លោះពី ៥,០០០ ទៅ ៧,០០០ ដុល្លារក្នុងមួយគីឡូក្រាម។ ផ្សិតនេះសម្បូរទៅដោយអាស៊ីតអាមីណូ សារធាតុប្រឆាំងអុកស៊ីតកម្ម វីតាមីន និងសារធាតុរ៉ែជាច្រើនដែលផ្តល់ផល យ៉ាងអស្ចារ្យដល់ សុខភាពសម្រស់។
លោកបានបន្ថែមថា ចក្ខុវិស័យរបស់ Kénz Cambodia មិនត្រឹមតែចែកចាយនៅក្នុងប្រទេសកម្ពុជាប៉ុណ្ណោះទេ ប៉ុន្តែក្រុមហ៊ុន ក៏មានបំណងពង្រីកទៅកាន់ទីផ្សារអន្តរជាតិនាពេលអនាគត ដើម្បីប្រកួតប្រជែងលើឆាកអន្តរជាតិផងដែរ។
ការបង្កើតផលិតផល Kénz Cambodia គឺផ្តើមចេញពីបញ្ហាសក់ខូច និងជ្រុះផ្ទាល់ខ្លួន របស់លោកស្រី ផន សុផារី ដែលជាស្ថាបនិក នៃផលិតផលKénz Cambodia។ លោកស្រី ផន សុផារី បានឱ្យដឹងថា ដើម្បីធានាបាននូវប្រសិទ្ធភាព និងសុវត្ថិភាពសម្រាប់អ្នកប្រើប្រាស់ លោកស្រីបានចំណាយពេលធ្វើតេស្តផលិតផលឡើងវិញមិនក្រោម ៥០ ដងឡើយ ក្នុងគោលបំណងធានាថាផលិតផលដែលចេញទៅដល់ដៃអ្នកប្រើប្រាស់ យ៉ាងហោចណាស់ ក្នុងចំណោម ១០០ នាក់ ក៏ ៩៥ នាក់ អាចប្រើប្រាស់ត្រូវដែរ។
Kénz នឹងជួយកាត់បន្ថយការជ្រុះសក់ ថែរក្សាសរសៃសក់តូចៗ និងជួយធ្វើឱ្យមានតុល្យភាពប្រេងនៅលើស្បែកក្បាល និងឫសសក់។ ជាមួយគ្នានេះ Kénz Cambodia ក៏បានកំណត់តម្លៃផលិតផលរបស់ខ្លួនឱ្យមានភាពសមរម្យបំផុត ដើម្បីឱ្យបងប្អូនប្រជាពលរដ្ឋខ្មែរ គ្រប់កម្រិតអាចប្រើប្រាស់បាន។
ផលិតផល Kénz Cambodia ត្រូវបានផលិតឡើងដោយ សិប្បកម្ម Khinry ដែលបង្កើតឡើងក្នុងឆ្នាំ២០២១ និងមានផលិតនូវផលិតផល ដូចជា BE ស្តាប់ធម្មជាតិ, BE ម៉ាសសារ៉ាយ, ម៉ាសធ្យូងឬស្សី, សាប៊ូដុសខ្លួន និង BE Spray បាញ់បំបាត់មុនខ្នង ដែលសុទ្ធសឹងតែទទួលបានលទ្ធផលគួរឱ្យទុកចិត្ត។ ក្រៅពីផ្តល់ជូនផលិតផលថែរក្សាសម្រស់ សិប្បកម្មនេះក៏បានចូលរួមចំណែកដល់សេដ្ឋកិច្ចជាតិ បង្កើតឱកាសការងារ និងជំរុញអាជីវករខ្នាតតូច មធ្យម និងធំ ឱ្យរីកចម្រើនស្របតាមចក្ខុវិស័យរបស់រាជរដ្ឋាភិបាលផងដែរ៕
