(បរទេស)៖ ខ្សែប្រយុទ្ធជួរមុខ Lionel Messi បានខូចចិត្តជាខ្លាំង នៅពេលបាត់បង់លោកឪពុកជាទីស្រឡាញ់កាលពីថ្ងៃសៅរ៍សប្តាហ៍មុន ដោយរោគាពាធជាយូរមកហើយ។ នេះបើយោងតាមការចេញផ្សាយដោយគេហទំព័រកីឡា BBC។

ការអវត្តមានរបស់តារាជើងស៊ុត សញ្ជាតិអាហ្សង់ទីនរូបនេះ មុនពេលក្រុម Inter Miami FC បានរងបរាជ័យ ២-១ ផងដែរ នៅពាន League Cup 2026 ក្រោមថ្វីជើងរបស់ Monterrey នៅរាត្រីថ្ងៃដដែលនោះដែរ បន្ទាប់ពី Messi បានចាកចេញដោយយន្តហោះឯកជនឆ្ពោះមកកាន់ប្រទេសអាហ្សង់ទីន។

លោក Jorge Messi ដែលបានទទួលមរណភាពក្នុងមន្ទីរពេទ្យនៅឯស្រុកកំណើត Rosario ប្រទេសអាហ្សង់ទីន ក្រោយធ្លាក់ខ្លួនឈឺជាយូរមកហើយនោះ ក្នុងនាមជាឪពុក ហើយក៏ជាទីភ្នាក់ងារដោះដូររបស់ Messi ទៀតផង តាំងពីកីឡាករពាក់លេខ១០ រូបនេះមានវ័យ ១៤ឆ្នាំមកម្ល៉េះ។

បណ្តាក្លិប និងមិត្តរួមក្រុម បានធ្វើការស្មឹងស្មាធ និងឧទ្ទិសគ្រាប់បាល់ដល់លោកឪពុក Messi នៅមុនការប្រកួតចាប់ផ្តើម និងក្រោយទាត់បញ្ចូលទីជាដើម គ្រាដែល Paris St-Germain ដែល Messi ធ្លាប់លេងនៅចន្លោះឆ្នាំ២០២១-២០២៣ ក្រោយចាកចេញពី FC Barcelona បានចេញសារលិខិតមរណទុក្ខថា «ក្លិបសូមចូលរួមរំលែកទុក្ខដ៏ក្រៀមក្រំនេះផងចំពោះ Messi និងក្រុមគ្រួសារ ដែលបានបាត់បង់មនុស្សជាទីស្រឡាញ់នាពេលនេះ។ សូមវិញ្ញាណក្ខន្ធឪពុក Messi ទៅកាន់សុគតិភព»៕