(បរទេស)៖ តារា World Cup 2022 ជាមួយអាហ្សង់ទីន Lionel Messi បានកំពុងពិចារណាបន្លាយការពន្យារពេលចូលនិវត្តន៍ពីជម្រើសជាតិអាហ្សង់ទីន បន្ទាប់ពីលោកឪពុក Jorge ទើបបានទទួលមរណភាពនាពេលថ្មីៗនេះ។ នេះបើយោងតាមការចេញផ្សាយដោយ BBC។

ខ្សែប្រយុទ្ធពាក់លេខ១០ ទាំងក្នុងក្លិបអាជីព និងជម្រើសជាតិរូបនេះ បានចុះកិច្ចសន្យាលេងឱ្យ Inter Miami CF នៃលីគកំពូលអាមេរិក Major League Soccer ដល់ឆ្នាំ២០២៨។

ក៏ប៉ុន្តែក្រោយការចែកឋានរបស់លោកឪពុក Messi មានទំនោរចង់បន្តលេងបាល់ទៀត ដោយបានលើកឡើងថា «បច្ចុប្បន្នខ្ញុំមិនទាន់ច្បាស់ពីអនាគតនោះទេ ខ្ញុំគ្រាន់តែចង់លេងបាល់ទាត់ទៀតប៉ុណ្ណោះ និងមិនប្រាកដក្នុងចិត្តថា បានយូរប៉ុណ្ណាទៀតនោះដែរ»។

គិតមកទល់ពេលនេះ Messi ដែលលេចធ្លោខ្លាំងនៅ World Cup ៤សម័យកាលចុងក្រោយនេះ ស៊ុតបាន ៩២១គ្រាប់ហើយទាំងនៅជម្រើសជាតិពពកសអាហ្សង់ទីន និងក្លិបអាជីព FC Barcelona, Paris St. Germain និង Inter Miami CF។

Messi បានខកចិត្តជាខ្លាំង នៅពេលរួមចំណែកជួយអាហ្សង់ទីន បានត្រឹមតែរងជើងឯក World Cup 2026 ក្នុងនាមម្ចាស់ជើងឯកកាលពី ៤ឆ្នាំមុននៅប្រទេសកាតា ជាពេលដែលលោកស៊ុតបាន ៨គ្រាប់ច្រើនជាងពេលណាៗទាំងអស់ផងដែរ មុនពេលបន្តប៉ះទង្គិចផ្លូវចិត្តជាខ្លាំងថែមទៀត ដែលបានបាត់បង់លោកឪពុកជាទីស្រឡាញ់ត្រឹម ៦៨ឆ្នាំប៉ុណ្ណោះ ដោយរោគាពាធរាំរ៉ៃជាយូរមកហើយ៕