(បរទេស)៖ អតីតប្រធានក្រុមមាន់គកបារាំង និងក្លិបកាំភ្លើងធំ Arsenal គឺលោក Patrick Vieira ត្រូវបានតែងតាំងជាអ្នកចាត់ការទូទៅថ្មីនៃក្រុមបុរសជម្រើសជាតិសេណេហ្គាល់។ នេះបើយោងតាមការចេញផ្សាយដោយ BBC។

បុរសវ័យ ៥០ឆ្នាំដែលបានកើតនៅទីក្រុង Dakar នៃប្រទេសស្ថិតនៅតំបន់អាហ្រ្វិកខាងលើនេះ នឹងទៅជំនួសតំណែងលោក Pape Thiaw ដែលត្រូវបានដកតួនាទី ក្រោយពេលសេណេហ្គាល់បានហាលអាវពី World Cup 2026 ដ៏លឿនបំផុតត្រឹមវគ្គ ៣២ក្រុម។

Vieira បានដឹកនាំក្លិបចុងក្រោយ Genoa និងបានចាកចេញពីតួនាទីកាលពីខែវិច្ឆិកាឆ្នាំទៅ ក្រោយពេលដឹកនាំស្ថិតនៅបាតតារាងនៃលីគកំពូល Serie A រួចមក។

លោក Vieira ដែលបានដឹកនាំក្រុមបុរសនៃទឹកដីកំណើតរបស់លោកនាពេលនេះ បានផ្លាស់មករស់នៅប្រទេសបារាំង ស្ថិតនៅតំបន់អឺរ៉ុបកាលពីមានអាយុទើប ៨ឆ្នាំ និងបានចូលលេង ១០០ប្រកួតផងដែរជាមួយមាន់គក ដោយបានឈ្នះពាន World Cup 1998 និងពានរង្វាន់អឺរ៉ុប UEFA Euro 2000 ទៀតផង៕