(បរទេស)៖ ខ្សែបម្រើ Rodri ម្ចាស់ពានបាល់មាស Golden Ball ប្រចាំព្រឹត្តិការណ៍បាល់ទាត់ពិភពលោក FIFA បានចាកចេញពីក្លិបអង់គ្លេស Manchester City ទៅចូលរួមជាមួយ FC Barcelona របស់អេស្ប៉ាញវិញ ក្រោយចាកចេញនៅឆ្នាំ២០១៩ មក។ នេះបើយោងតាមការចេញផ្សាយដោយ BBC។

កីឡាករវ័យ ៣០ឆ្នាំរូបនេះ បានចុះកិច្ចសន្យាលេងនៅ Camp Nou ដល់ឆ្នាំ២០៣០ ក្នុងនាមខ្សែបម្រើដែលបានចាកចេញពីក្លិប Atletico Madrid ទៅលេងនៅ Man City កាលឆ្នាំ២០១៩ ដែលមានលោក Pep Guardiola ដឹកនាំ។

Rodri បានឈ្នះពានឯកត្តជន Ballon dÓr 2024 បន្ទាប់ពីបានរួមចំណែកជួយ Man City ឈ្នះជើងឯកលីគអឺរ៉ុប UEFA Champions League លើកដំបូងនារដូវកាល ២០២៣-២៤ និងឈ្នះពាន Golden Ball ផ្សេងទៀត ក្រោយជួយគោជល់អេស្ប៉ាញ ដណ្តើមបានជើងឯក World Cup 2026 កាលពីខែកក្កដា។

មែនទែនទៅ Rodri នៅសល់កិច្ចសន្យាចាស់រយៈពេល ១២ខែទៀតជាមួយ City ដែលរូបគេបានស៊ីញ៉េកាលឆ្នាំ២០២២ ហើយក្លិបប្រចាំទីក្រុង Manchester មួយនេះបានបរាជ័យ ក្នុងការបន្តកិច្ចសន្យាថ្មី និងគ្មានជម្រើសអ្វីក្រៅពីបង្ខំចិត្តលក់ចេញ នៅពេលក្លិបគូប្រជែង Real Madrid ក៏មានបំណងចង់បានដែរ ប៉ុន្តែទីបំផុតរូបគេសម្រេចចិត្តជ្រើសរើសក្រុមអ្នកមានបុណ្យ ដែលជាជើងឯក La Liga រដូវកាលមុន។

Rodri នឹងប្រឈមមុខអតីតមិត្តចាស់របស់គេនៅ City គឺ Bernado Silva ដែលបានផ្លាស់ទៅលេងនៅ Real Madrid នៃជំនួប El Clasico នារដូវកាល ២០២៦-២៧៕