(បរទេស)៖ ខ្សែប្រយុទ្ធអាហ្សង់ទីន Julian Alvarez ត្រូវបានអ្នកគាំទ្រ Atletico Madrid សើចចំអកដាក់ជាខ្លាំង នៅថ្ងៃបង្ហាញខ្លួនក្នុងក្លិបឡើងវិញ បន្ទាប់ពីបំណងផ្ទេរចេញពីក្លិបអេស្ប៉ាញមួយនេះត្រូវបានបរាជ័យ។ នេះបើយោងតាមការចេញផ្សាយដោយ BBC។

Alvarez សមាជិកលេង World Cup 2026 ដែលអាហ្សង់ទីនបានត្រឹមរងជើងឯកកាលពីខែកក្កដានោះ បានខិតជិតផ្ទេរទៅក្លិបជើងឯកលីគអង់គ្លេស កាំភ្លើងធំ Arsenal ឬក៏ FC Barcelona ប៉ុន្តែចុងក្រោយក៏បានខកខានទៅវិញ បើទោះបីជាទីផ្សារដោះដូរកីឡាករបិទទ្វារនាថ្ងៃទី០១ ខែកញ្ញា ឆ្នាំ២០២៦ ក៏ដោយ។

រូបគេត្រូវបានអ្នកចាត់ការទូទៅសញ្ជាតិអាហ្សង់ទីនដូចគ្នា Diego Simeone ដាក់ឱ្យចូលលេងក្នុងនាមកីឡាករបម្រុងនៅនាទី៦៦ ដ្បិតបញ្ចប់ក្នុងលទ្ធផលស្មើគ្នា ២-២ ទល់នឹង Villarreal ក៏ដោយ។

តាមរយៈលទ្ធផលស្មើនេះដែរ Atletico បានឈ្នះ ១លើក និងស្មើ ១លើក ពីការចាប់ផ្តើម ២ប្រកួតបើកឆាកនៃលីគ La Liga រដូវកាលថ្មីនេះ គ្រាដែលគូប្រជែង Villarreal លេងស្មើទាំង ២លើកតែម្តង៕