(បរទេស)៖ ខ្សែប្រយុទ្ធអន្តរជាតិប្រេស៊ីល Gabriel Martinelli បានផ្ទេរចេញពីកីឡដ្ឋាន Emirates នៃក្លិបកាំភ្លើងធំ Arsenal ដោយបានទៅចូលរួមជាមួយក្លិប Al-Hilal នៃក្របខណ្ឌ Saudi Pro League របស់អារ៉ាប៊ីសាអូឌីត ក្នុងតម្លៃ ៦០លានផោន។

ពីគេហទំព័រកីឡា BBC បានចេញផ្សាយថា កីឡាករវ័យ ២៥ឆ្នាំរូបនេះបានចុះកិច្ចសន្យាលេងឱ្យក្លិបនៅតំបន់មជ្ឈិមបូព៌ាមួយនេះរយៈពេល ៤ឆ្នាំ ដោយបានបញ្ចប់ក្នុងរយៈពេល ៧ឆ្នាំមកដែរ ជាមួយក្លិបស្ថិតនៅភាគខាងជើងទីក្រុង London ប្រទេសអង់គ្លេស ក្រោយចូលរួមតាំងពីឆ្នាំ២០១៩។

មែនទែនទៅ Martinelli នៅសល់កិច្ចសន្យាចាស់ ១២ខែទៀតជាមួយ Arsenal និងជាសមាជិកដែលបានរួមចំណែកជួយកាំភ្លើងធំដណ្តើមបានជើងឯកលីគ Premier League រដូវកាលមុនទៀតផង បន្ទាប់ពីត្រូវបានប្រាប់ថា មិនស្ថិតក្នុងផែនការនារដូវកាលថ្មីរបស់អ្នកចាត់ការទូទៅ Mikel Arteta ទៀតទេ។

នេះមានន័យថា Martinelli នឹងទៅរួមក្រុមជាមួយខ្សែប្រយុទ្ធ Ollie Watkins ដែលទើបចាកចេញពី PL ដូចគ្នា ក្រោយផ្ទេរចេញពីក្លិបរួមលីគ Aston Villa ក្នុងតម្លៃប្រមាណ ៥១លានផោន៕