(បរទេស)៖ កម្មវិធីបញ្ជាទិញស្មាតហ្វូន Trump Mobile T1 Phone (ឬគេស្គាល់ទូទៅថា Trump Phone) ត្រូវបានគេប្រទះឃើញថា បានកើនឡើងតម្លៃរហូតដល់ ៥០% ដោយស្ងាត់ៗនៅលើគេហទំព័រផ្លូវការ ដោយគ្មានការប្រកាសអាសន្ន ឬកែប្រែសមត្ថភាពម៉ាស៊ីន (Hardware) អ្វីឡើយ។

តម្លៃដើមដំបូងដែលបានដាក់លក់កាលពីខែមិថុនា ឆ្នាំ២០២៦ គឺ ៤៩៩ ដុល្លារ ប៉ុន្តែបច្ចុប្បន្នត្រូវបានផ្លាស់ប្តូរទៅ ៧៤៩ ដុល្លារ (កើនឡើង ២៥០ ដុល្លារ)។ លក្ខណៈបច្ចេកទេសរបស់ទូរស័ព្ទគឺនៅដដែល ដោយប្រើប្រាស់បន្ទះឈីបកម្រិតមធ្យម Snapdragon 6 Gen 1, អេក្រង់ AMOLED 120Hz, កាមេរ៉ាម៉ាស៊ីន 50MP, និងថាមពលថ្ម 5,000 mAh។

អ្នកវិភាគមើលឃើញថា តម្លៃ ៧៤៩ ដុល្លារនេះ ធ្វើឱ្យ Trump T1 មានតម្លៃថ្លៃជាងស្មាតហ្វូនកំពូលៗមួយចំនួនក្នុងទីផ្សារ (ដូចជា iPhone 17e ឬ flagship តម្លៃសមរម្យផ្សេងទៀត) ខណៈដែល Hardware របស់វាមានតម្លៃស្មើនឹងទូរស័ព្ទលំដាប់ថវិកាប៉ុណ្ណោះ៕