(បរទេស)៖ តារា World Cup 2026 ជាមួយគោជល់អេស្ប៉ាញ Lamine Yamal ស៊ុតបាន ២គ្រាប់ម្នាក់ឯង ក្នុងការរួមចំណែកជួយ FC Barcelona យកឈ្នះម្ចាស់ផ្ទះ Levante ៤-២ នាយប់មិញនេះ បន្តធ្វើបានល្អក្នុងលីគនាដើមរដូវកាលថ្មីឆ្នាំ២០២៦-២៧។ នេះបើយោងតាមការចេញផ្សាយដោយ BBC។

នេះមានន័យថា ម្ចាស់ការពារតំណែងជើងឯក La Liga រកបានជ័យជម្នះ ៥ប្រកួតជាប់ៗគ្នាតែម្តងនៅដើមរដូវកាល នាំមុខក្រុមលេខ២ Real Madrid ៣ពិន្ទុទៀតផង នៅពេល Levante ឈរលេខ១៣ និងទើបមាន ៥ពិន្ទុនៅឡើយ។

ជាមួយគ្នានោះ Adeyemi ក៏បានរួមចំណែករកបាន ១គ្រាប់ផងដែរសម្រាប់ក្រុមរបស់លោក Hansi Flick និងជាគ្រាប់ទី២ របស់អតីតកីឡាករក្លិបអាល្លឺម៉ង់ Borussia Dortmund ដែលបានមកចូលរួមជាមួយ Barcelona នារដូវក្តៅនេះ។

១ប្រកួតបន្ទាប់ Barcelona ត្រូវប្រឈមមុខនឹង Racing Santander នៅរាត្រីថ្ងៃពុធសប្តាហ៍នេះ ក្នុងប្រកួតទី៦ ជើងទី១ នៃលីគកំពូលអេស្ប៉ាញ La Liga នារដូវកាលថ្មីឆ្នាំ២០២៦-២៧ ក្រោយពេលធ្វើបានជ័យជម្នះ ៥ប្រកួតជាប់ៗគ្នារួចមក និងបន្តក្តោបក្តាប់តំណែងកំពូលយ៉ាងរឹងមាំ៕