(ស៊ីនជិន)៖ ក្រុមហ៊ុនផលិតរថយន្តអគ្គិសនីយក្សរបស់ចិន BYD បានរៀបចំផ្លូវបង្ហាញសមត្ថភាពបច្ចេកវិទ្យាសាកថាមពលល្បឿនលឿនបំផុត (Flash Charging) ជំនាន់ថ្មីរបស់ខ្លួន នៅចំពោះមុខតំណាងប្រព័ន្ធផ្សព្វផ្សាយ និងភ្ញៀវកិត្តិយសជាង ១០០ នាក់ ដែលអញ្ជើញមកពីតំបន់អាស៊ីប៉ាស៊ីហ្វិក នៅក្នុងក្រុងស៊ីនជិន ប្រទេសចិន។

បច្ចេកវិទ្យា Flash Charging ថ្មីរបស់ BYD បានបង្ហាញពីសមត្ថភាពដ៏អស្ចារ្យ ដោយអាចសាកថាមពលថ្មរថយន្តពី ២០% ឡើងដល់ ៩៧% ក្នុងរយៈពេលត្រឹមតែ ១២ នាទីប៉ុណ្ណោះ ទោះបីជានៅក្នុងលក្ខខណ្ឌអាកាសធាតុត្រជាក់ខ្លាំងរហូតដល់ -៣០°C (-30°C) ក៏ដោយ។

បច្ចុប្បន្ន ប្រទេសចិនបានបង្កើត និងដាក់ឱ្យដំណើរការស្ថានីយសាកថាមពលល្បឿនលឿន (Flash-charging stations) នេះបានជាង ១០,០០០ ទីតាំង គ្របដណ្តប់លើ ៣៣២ ក្រុង នៅទូទាំងប្រទេស។

ការអភិវឌ្ឍបច្ចេកវិទ្យានេះ គឺជាជំហានស្ថាបនាដ៏សំខាន់ក្នុងការលុបបំបាត់ក្តីបារម្ភរបស់អ្នកប្រើប្រាស់រថយន្តអគ្គិសនី (EV Range & Charging Anxiety) ជាពិសេសការធ្លាក់ចុះសមត្ថភាពសាកថ្មក្នុងតំបន់ដែលមានអាកាសធាតុត្រជាក់ខ្លាំង៕