(បរទេស)៖ កីឡាករ Anthony Gordon និង Harry Kane រកបានម្នាក់ ១គ្រាប់ដូចគ្នាឱ្យក្រុមតោកំណា​ចអង់គ្លេស យកឈ្នះម្ចាស់ផ្ទះសាធារណរដ្ឋឆេក ២-០ ដែលនៅសល់សមាជិកតែ ១០នាក់ប៉ុណ្ណោះកាលពីយប់មិញ។

ទោះជាយ៉ាងណា នេះជាជ័យជម្នះលើកដំបូងក្នុងចំណោម ២ប្រកួតនៅពានលីគអឺរ៉ុប UEFA Nations League 2026-27 បន្ទាប់ពីចាញ់ក្រុមខ្លាំងអេស្ប៉ាញ ៣-២ នៅថ្ងៃបើកឆាកក្នុងទឹកដីរបស់ខ្លួនរួចមក។

ឆេកបានបាត់បង់ខ្សែការពារ Pavel Sulc នៅនាទី២៥ ក្រោយពេលបង្កកំហុសទៅលើ Elliot Anderson ទាំងដែលលទ្ធផលស្ថិតក្នុងទីក្រុង Prague ស្មើគ្នា ០-០ នៅឡើយ ក្នុងប្រកួតដែលខ្សែការពារ Trent Alexander-Arnold ត្រូវបានគ្រូបង្វឹក Thomas Tuchel កោះហៅចូលជម្រើសជាតិឡើងវិញ ក្រោយខកខានតាំងពីខែតុលា ឆ្នាំ២០២៤ មក។

Gordon ដែលធ្វើបានល្អបំផុតកាលពីអង់គ្លេសចាញ់អេស្ប៉ាញនៅថ្ងៃបើកឆាក UNL នោះ ផ្តើមរកបានគ្រាប់ទី១ បែកពងមាន់នៅដើមវគ្គទី២ តែម្តង មុនពេលប្រធានក្រុម Kane បន្ថែមគ្រាប់ទី២ នៅនាទី៦៩ និងជាគ្រាប់បាល់ទី៨៧ ពីការបង្ហាញខ្លួន ១២៣ប្រកួតជាមួយតោកំណាច។

អ្នកចាត់ការទូទៅសញ្ជាតិអាល្លឺម៉ង់ Tuchel បានកោះហៅ Arnold របស់ក្លិប Real Madrid និង Hall មកពី Newcastle United ឡើងវិញ ក្រោយពេលទម្លាក់ចោលកាលពី World Cup 2026 ដោយពួកគេដណ្តើមបានចំណាត់ថ្នាក់លេខ៣ នោះ៕