(ភ្នំពេញ)៖ ក្រុមហ៊ុន Study Overseas Go Overseas (SOGO Cambodia) បានរៀបចំដោយជោគជ័យនូវ
«ពិព័រណ៍សាកលវិទ្យាល័យអាមេរិក ឆ្នាំ២០២៦» នៅថ្ងៃទី៦ ខែតុលា នៅអគារ The Peak កោះពេជ្រ រាជធានីភ្នំពេញ ដោយមានការចូលរួមពីសិស្សានុសិស្ស មាតាបិតា អ្នកជំនាញផ្នែកអប់រំ និងតំណាងសាកលវិទ្យាល័យល្បីៗមកពីសហរដ្ឋអាមេរិក ប្រទេសចិន និងសាកលវិទ្យាល័យក្នុងប្រទេសកម្ពុជា។

ពិព័រណ៍នេះប្រព្រឹត្តទៅចាប់ពីម៉ោង២រសៀល ដល់ម៉ោង៤:៣០នាទីរសៀល ដោយផ្តល់ឱកាសដល់សិស្សានុសិស្សឈ្វេងយល់អំពីជម្រើសសិក្សាថ្នាក់ឧត្តមសិក្សា ឱកាសទទួលបានអាហារូបករណ៍ លក្ខខណ្ឌចូលរៀននៅសាកលវិទ្យាល័យ និងកម្មវិធីសិក្សានៅបរទេស។

សាកលវិទ្យាល័យនៅសហរដ្ឋអាមេរិកដែលបានចូលរួមក្នុងពិព័រណ៍នេះ រួមមាន៖

*CUNY Queensborough Community College
*Georgetown University
*Kansas State University
*Purdue University
*Savannah College of Art and Design
*Texas Wesleyan University
*University of California, Santa Cruz
*University of Utah
*Wichita State University ។

ក្រៅពីស្ថាប័នឧត្តមសិក្សានៅសហរដ្ឋអាមេរិក ក៏មានសាកលវិទ្យាល័យមកពីប្រទេសចិន និងសាកលវិទ្យាល័យមួយចំនួនក្នុងប្រទេសកម្ពុជាចូលរួមផងដែរ។ ក្នុងនោះមាន Harbin Institute of Technology និងស្ថាប័នអប់រំផ្សេងទៀតដែលត្រូវបានតំណាងតាមរយៈ Step Forward International School ដែលបានផ្តល់ឱ្យសិស្សានុសិស្សនូវជម្រើសកាន់តែទូលំទូលាយសម្រាប់ការសិក្សាថ្នាក់អន្តរជាតិ។ ចំណែក Elite Education ដែលជាអ្នកឧបត្ថម្ភមួយរូប ក៏បានចែករំលែកឱកាសសិក្សានៅប្រទេសកូរ៉េខាងត្បូងដល់សិស្សានុសិស្សផងដែរ។

ចំណុចសំខាន់មួយនៃពិព័រណ៍នេះ គឺការផ្តល់ឱកាសដល់សិស្សានុសិស្សមកពីវិទ្យាល័យរដ្ឋ និងឯកជននៅកម្ពុជា ដើម្បីឈ្វេងយល់អំពីអាហារូបករណ៍ដែលផ្តល់ដោយស្ថាប័នអប់រំដែលបានចូលរួម។

ពិព័រណ៍នេះមានអ្នកចូលរួមជាង ៤០០នាក់ ដែលអាចជួបពិភាក្សាផ្ទាល់ជាមួយតំណាងសាកលវិទ្យាល័យ សួរសំណួរអំពីកម្មវិធីសិក្សា លក្ខខណ្ឌចូលរៀន និងឈ្វេងយល់បន្ថែមអំពីឱកាសសិក្សានៅបរទេស។

អ្នកចូលរួមក៏ទទួលបានឱកាសចូលរួមកម្មវិធីចាប់ឆ្នោតផ្សងសំណាង ដោយមានរង្វាន់ដូចជា Apple AirPods, MacBook Neo និងរង្វាន់ជាច្រើនទៀត។

ពិព័រណ៍នេះ ក៏មានការអញ្ជើញចូលរួមពីតំណាងស្ថានទូតសហរដ្ឋអាមេរិកប្រចាំកម្ពុជា រួមមាន លោកស្រី Alexandra Scott មន្ត្រីការទូតសាធារណៈ (Public Diplomacy Officer) និងលោក Po Eng អ្នកឯកទេសផ្នែកការចូលរួមសាធារណៈ (Public Engagement Specialist)ផងដែរ។

ក្នុងសុន្ទរកថា លោកស្រីបានលើកឡើងពីសារៈសំខាន់នៃឱកាសសិក្សាអន្តរជាតិ និងតម្លៃនៃការភ្ជាប់សិស្សានុសិស្សកម្ពុជាជាមួយស្ថាប័នអប់រំ និងឱកាសសិក្សានៅក្រៅប្រទេស។

ភាពជោគជ័យនៃ «ពិព័រណ៍សាកលវិទ្យាល័យអាមេរិករបស់ SOGO» កើតឡើងដោយមានការគាំទ្រយ៉ាងសំខាន់ពីអ្នកឧបត្ថម្ភ និងដៃគូអប់រំ រួមមាន៖

• Eliter Education Consultant
• TADA
• CamEd Business School
• Limkokwing University of Creative Technology
• Paragon International University
• De Montfort University Cambodia
• Raffles International College Phnom Penh ។

ការចូលរួម និងការគាំទ្ររបស់ដៃគូទាំងនេះ បានរួមចំណែកបង្កើតវេទិកាដ៏មានអត្ថន័យមួយ សម្រាប់សិស្សានុសិស្សឈ្វេងយល់អំពីជម្រើសសិក្សានៅបរទេស និងទទួលបានព័ត៌មានច្បាស់លាស់ ដើម្បីជួយពួកគេធ្វើការសម្រេចចិត្តបានត្រឹមត្រូវសម្រាប់ការសិក្សានាពេលអនាគត។

ក្នុងនាមជាអ្នកផ្តល់សេវាកម្មសិក្សានៅបរទេសមួយកន្លែង SOGO ផ្តល់សេវាកម្មជាច្រើន ដើម្បីគាំទ្រសិស្សានុសិស្សពេញមួយដំណើរការសិក្សាអន្តរជាតិរបស់ពួកគេ។

សេវាកម្មរបស់ SOGO រួមមាន ការប្រឹក្សាយោបល់ ការជ្រើសរើសសាកលវិទ្យាល័យ និងជំនួយក្នុងការដាក់ពាក្យចូលរៀន កម្មវិធីផ្លាស់ប្តូរការសិក្សា រួមមានកម្មវិធី J-1 និង F-1 ជំនួយក្នុងការដាក់ពាក្យសុំទិដ្ឋាការ សេវាកម្មរៀបចំឯកសារ និងបកប្រែ ព្រមទាំងដំណើរទស្សនកិច្ចសិក្សាទៅក្រៅប្រទេស។

តាមរយៈការរៀបចំព្រឹត្តិការណ៍ដូចជា «ពិព័រណ៍សាកលវិទ្យាល័យអាមេរិករបស់ SOGO» អង្គការនេះបន្ត
ផ្តល់ឱកាសដល់សិស្សានុសិស្ស និងក្រុមគ្រួសារ ក្នុងការទទួលបានព័ត៌មាន និងជួបផ្ទាល់ជាមួយសាកលវិទ្យាល័យអន្តរជាតិ ព្រមទាំងទទួលបានការណែនាំជាក់ស្តែងអំពីការបន្តការសិក្សាថ្នាក់ឧត្តមសិក្សាទៅក្រៅប្រទេស។

សូមជម្រាបថា Study Overseas Go Overseas (SOGO Cambodia) គឺជាក្រុមហ៊ុនប្រឹក្សាយោបល់ផ្នែកអប់រំ
ដើម្បីគាំទ្រសិស្សានុសិស្សដែលមានបំណងសិក្សានៅបរទេស រួមមានដូចជា សហរដ្ឋអាមេរិក កាដាណា អូស្ត្រាលី អង់គ្លេស និងចិន ជាដើម។

SOGO ផ្តល់ការគាំទ្រលើការជ្រើសរើសសាកលវិទ្យាល័យ កម្មវិធីផ្លាស់ប្តូរការសិក្សា សេវាកម្មរៀបចំឯកសារដូចជា ការដាក់ពាក្យសិក្សា ការដាក់ពាក្យសុំទិដ្ឋាការ និងបកប្រែ ព្រមទាំងដំណើរទស្សនកិច្ចសិក្សាទៅក្រៅប្រទេស។

អាសយដ្ឋានការិយាល័យ SOGO Cambodia: លេខ២២៣ និង២២៧ មហាវិថីម៉ៅសេទុង សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ប្រទេសកម្ពុជា
ទូរសព្ទ: (+855) 70 444 111 / 61 924 141
អ៊ីមែល: [email protected]
គេហទំព័រ: https://sogocambodia.com/en
សិស្សានុសិស្សដែលមានចំណាប់អារម្មណ៍សិក្សានៅបរទេស អាចទាក់ទង SOGO Cambodia ដើម្បីឈ្វេងយល់បន្ថែមអំពីកម្មវិធីសិក្សាដែលមាន និងរៀបចំការណាត់ជួបសម្រាប់ការប្រឹក្សាយោបល់៕