(បរទេស)៖ ខ្សែបម្រើ Mikel Merino ដែលតែងតែស៊ុតបញ្ចូលទីនៅ World Cup 2026 បន្តរកបាន ២គ្រាប់ម្នាក់ឯង រួមចំណែកជួយក្រុមជើងឯកពិភពលោក អេស្ប៉ាញវាយបកឈ្នះម្ចាស់ផ្ទះក្រូអាត ២-១ ក្នុងពានរង្វាន់អឺរ៉ុប UEFA Nations League 2026-27។

នេះជាជ័យជម្នះលើកទី៤ ជាប់ៗតែម្តងសម្រាប់ក្រុមគោជល់ ដើម្បីឈរទីកំពូលតារាងនៃ League A ក្រុម៣ ដ៏រឹងមាំ នៅពេលក្រុមម្ចាស់ផ្ទះក្រូអាត អតីតជើងឯករង World Cup 2018 បានបើកការនាំមុខ ១គ្រាប់មុនតាំងពីនាទី១៧ ដោយកីឡាករ Ivan Perisic ដែលត្រូវបានពិន័យកាតក្រហមនៅនាទី៧៩ បន្ទាប់ពីទទួលបានកាតលឿងជាលើកទី២ រួចមក។

ទោះជាយ៉ាងណា Merino ដោយត្រូវបានជ្រើសរើសចេញពីក្លិបកាំភ្លើងធំ Arsenal ដែលបានចូលលេងក្នុងនាមកីឡាករបម្រុងនោះ ស៊ុតបាន ២គ្រាប់ម្នាក់ឯងក្នុងការរួមចំណែកជួយអេស្ប៉ាញ ឡើងទៅវគ្គ ៨ក្រុមចុងក្រោយទៀតផង។

តាមរយៈ ៣ពិន្ទុក្រៅដីនេះដែរ បានបង្កើនកំណត់ត្រាឈ្នះដល់ទៅ ១១ប្រកួតជាប់ៗគ្នា និងនាំមុខក្រុមលេខ២ អង់គ្លេស ៣ពិន្ទុទៀតផង បើទោះបីជាក្រុមតោកំណាចមួយនេះបានយកឈ្នះសាធារណរដ្ឋឆេកដោយស្រួល ៣-០ នារាត្រីអង្គារក៏ដោយ៕