(ភ្នំពេញ)៖ GAC Cambodia បានប្រកាសដាក់នូវរង្វាន់ដ៏ច្រើនមហាសាលសរុបជិត ២លានដុល្លារ ជូនចំពោះអតិថិជន ដែលទិញរថយន្ត GAC GN8 ស៊េរីទំនើបពីក្រុមហ៊ុនផ្លូវការ។ នេះបើតាមការលើកឡើងពីលោក ធី ចន្ទនិមល នាយកគ្រប់គ្រងផ្នែកប្រតិបត្តិការនៃក្រុមហ៊ុន THH Import Export Co., Ltd នាអំឡុងកម្មវិធីសន្និសីទសារព័ត៌មានស្តីអំពីកម្មវិធីប្រូម៉ូសិនឈ្នះរង្វាន់ដ៏មហាសាល ទិញរថយន្ត GN8 ឈ្នះផ្ទះវីឡាតម្លៃជិត ១លានដុល្លារ និងឈ្នះរថយន្ត GN6 Pro ចំនួន ៥០គ្រឿង” នាព្រឹកថ្ងៃទី១៩ តុលា ឆ្នាំ២០២៦ នៅផ្សារទំនើប ជីប ម៉ុង ២៧១ មេហ្គា ម៉ល។

បើតាមការបញ្ជាក់ពីលោក ធី ចន្ទនិមល រាល់អតិថិជនដែលទិញរថយន្ត GAC GN8 ប្រភេទ MPV 7 កៅអី ពី GAC Cambodia នឹងទទួលបានសន្លឹកឆ្នោតនាំសំណាងមួយសន្លឹក ដើម្បីមានឱកាសចូលរួមឈ្នះរង្វាន់ដ៏មហាសាល។ តាមរយៈកម្មវិធីប្រូម៉ូសិនដ៏ពិសេសនេះ ក្រុមហ៊ុនបានដាក់ជូននូវរង្វាន់ធំៗដូចជា រថយន្ត MPV ៧កៅអី GAC GN6 Pro ស៊េរីទំនើបដល់ទៅ ៥០គ្រឿង និងផ្ទះវីឡាដ៏ធំស្កឹមស្កៃ Queen II ស្ថិតក្នុងគម្រោងហ្រ្គែនភ្នំពេញ របស់ក្រុមហ៊ុន ជីប ម៉ុង លែន ដែលមានតម្លៃរហូតដល់ទៅជិត ១លានដុល្លារ សរុបជាទឹកប្រាក់ជិត ២លានដុល្លារឯណោះ។

អ្វីដែលកាន់តែពិសេសនោះគឺ អតិថិជនដែលឈ្នះរង្វាន់រថយន្ត GAC GN6 Pro ក៏អាចនៅតែមានឱកាសឈ្នះរង្វាន់ធំជាផ្ទះវីឡា Queen II ផងដែរ។ អតិថិជនដែលបានឈ្នះរង្វាន់រថយន្ត GAC GN6 Pro ហើយ និងបន្តមានឱកាសឈ្នះរង្វាន់ធំជាផ្ទះវីឡា Queen II តម្លៃជិត ១លានដុល្លារផងដែរ ដែលនេះមានន័យថា អតិថិជន​អាចមានឪកាសឈ្នះរង្វាន់ទ្វេរដង ពីកម្មវិធីនេះ។​

រថយន្ត GAC GN8 MPV 07 កៅអី ជាប្រភេទ Global Version កម្រិត Master Full Option ដែលនាំចូល និងចែកចាយផ្តាច់មុខ ដោយក្រុមហ៊ុនផ្លូវការ THH Import Export Co., Ltd ។ បច្ចុប្បន្ន GAC GN8 មានតម្លៃពិសេស ត្រឹមតែ $55,000 សម្រាប់ប្រភេទសាំង និងតម្លៃ $75,000 សម្រាប់ប្រភេទ អគ្គីសនី + សាំង (PHEV)។​ រថយន្ត GAC GN8 ជារថយន្ត MPV ៧កៅអី ដែលត្រូវបានរចនាឡើងប្រកបដោយផាសុកភាពខ្ពស់ សុវត្ថិភាពគ្រប់ជ្រុងជ្រោយ និងបានផ្តល់នូវបទពិសោធន៍ក្នុងការធ្វើដំណើរដ៏ល្អ សម្រាប់អតិថិជនក្នុងការប្រើប្រាស់ជាលក្ខណៈគ្រួសារ និងធុរកិច្ច (អាជីវកម្ម)។ ជាមួយគ្នានេះដែរ រាល់ការទិញរថយន្ត GAC ពីក្រុមហ៊ុនផ្លូវការ អតិថិជនក៏ទទួលបានការធានាផ្លូវការពីរោងចក្រ GAC និងមានរយៈពេលវែងរហូតដល់ទៅ 5ឆ្នាំ ឬ 150,000 គីឡូម៉ែត្រ។

ក្នុងឱកាសសន្និសីទ្ធនេះដែរ លោក ប៉ែន ពិសិដ្ឋនាយកប្រតិបត្តិការ ឬ COO ក្រុមហ៊ុន TH Group បានកត់សម្គាល់ថា បច្ចប្បន្ននេះ ទីផ្សាររថយន្តប្រភេទ MPV នៅកម្ពុជាបានចាប់ផ្តើមរីកដុះដាលយ៉ាងខ្លាំងក្នុងរយៈពេលមួយទៅពីរឆ្នាំចុងក្រោយនេះ។ ដូច្នេះហើយ ដើម្បីឆ្លើយតបនឹងតម្រូវការនេះ ក្រុមហ៊ុន បានផលិតរថយន្ត MPV ដែលមិនត្រឹមតែជាយានយន្តសម្រាប់គ្រួសារប៉ុណ្ណោះទេ ថែមទាំងបំពាក់ដោយប្រព័ន្ធសុវត្ថិភាពខ្ពស់ ស័ក្តិសមសម្រាប់ការប្រើប្រាស់ក្នុងអាជីវកម្ម ដូចជាការជួបភ្ញៀវ ឬដៃគូពាណិជ្ជកម្មធំៗផងដែរ។

សម្រាប់ព័ត៌មានលម្អិត សូមទំនាក់ទំនង៖
*095 999 029 (KH/EN)
*095 777 159 (中文)