(ភ្នំពេញ)៖ តើអ្នកចង់ស្វែងរកឱកាសសិក្សាថ្មីៗ នៅក្រៅប្រទេសដែរឬទេ? សម្រាប់សិស្ស និស្សិតកម្ពុជា ដែលកំពុងស្វែងរកជម្រើសសិក្សាបន្ត ប្រទេសម៉ាឡេស៊ី ផ្តល់ឱកាសឱ្យស្វែងយល់ពីកម្មវិធីសិក្សាជាច្រើន ដែលគុណវុឌ្ឍិសិក្សាទទួលស្គាល់ជាអន្តរជាតិ និងលទ្ធភាពទទួលបានអាហារូបករណ៍។

នៅថ្ងៃសៅរ៍ ទី២៤ ខែតុលា ឆ្នាំ២០២៦ កម្មវិធី YES2MALAYSIA – Education Malaysia Infoday 2026 នឹងនាំយកសាកលវិទ្យាល័យល្បីៗចំនួន១០ របស់ប្រទេសម៉ាឡេស៊ី មកជួបសិស្ស និស្សិត និងមាតាបិតា នៅសណ្ឋាគារ Cambodiana រាជធានីភ្នំពេញ ចាប់ពីម៉ោង១រសៀល ដល់ម៉ោង៥ល្ងាច ដើម្បីផ្តល់ឱកាសឱ្យអ្នកចូលរួមស្វែងយល់ ពីជម្រើសសិក្សាដោយផ្ទាល់ជាមួយតំណាងសាកលវិទ្យាល័យ។

ស្វែងយល់ពីជម្រើសរបស់អ្នក បើកទ្វារទៅកាន់ឱកាសថ្មីៗ មិនថាអ្នកជាសិស្ស ដែលទើបបញ្ចប់ការសិក្សា និងកំពុងជ្រើសរើសជំហានបន្ទាប់ និស្សិតបញ្ចប់ការសិក្សាដែលកំពុងពិចារណាបន្តការសិក្សា មាតាបិតាដែលកំពុងរៀបចំផែនការសិក្សាសម្រាប់កូន ឬអ្នកជំនាញដែលកំពុងធ្វើការនិងចង់បង្កើនគុណវុឌ្ឍិរបស់ខ្លួននោះទេ នេះគឺជាឱកាសសម្រាប់ស្វែងយល់ពីអ្វី ដែលប្រទេសម៉ាឡេស៊ីមានផ្តល់ជូន។

អ្នកចូលរួមជួបពិភាក្សាផ្ទាល់ជាមួយតំណាងសាកលវិទ្យាល័យ, ស្វែងយល់ពីកម្មវិធីសិក្សា, ស្វែងរកឱកាសអាហារូបករណ៍, ប្រៀបធៀបតម្លៃសិក្សា និងទទួលបានការឆ្លើយតបលើលក្ខខណ្ឌតម្រូវក្នុងការចូលសិក្សា, កន្លែងស្នាក់នៅ, ថ្លៃចំណាយក្នុងការរស់នៅ, ការដាក់ពាក្យ និងនីតិវិធីស្នើសុំទិដ្ឋាការសិស្ស (Student Visa)។

ប្រទេសម៉ាឡេស៊ីផ្តល់ជូននូវសញ្ញាបត្រដែលទទួលស្គាល់ជាអន្តរជាតិ, ថ្លៃសិក្សាសមរម្យ និងបរិយាកាសពហុវប្បធម៌ដ៏កក់ក្តៅ ដែលធ្វើឱ្យប្រទេសនេះក្លាយជាគោលដៅដ៏ទាក់ទាញសម្រាប់សិស្ស-និស្សិតដែលស្វែងរកការអប់រំកម្រិតអន្តរជាតិ។

ព្រឹត្តិការណ៍នេះក៏នឹងមានការចូលរួមពីលោក Shaharuddin Onn ឯកអគ្គរាជទូតម៉ាឡេស៊ីប្រចាំកម្ពុជា ដែលនឹងអញ្ជើញចូលរួមជាអធិបតីភាព និងបន្ថែមភាពពិសេសដល់កម្មវិធីអប់រំមួយនេះផងដែរ។

ហេតុអ្វីបានជាអ្នកគួរចូលរួម?

- ជួបតំណាងសាកលវិទ្យាល័យម៉ាឡេស៊ីចំនួន១០ នៅកន្លែងតែមួយ។
- ស្វែងយល់ពីកម្មវិធីសិក្សា និងឱកាសអាហារូបករណ៍ដែលអាចមាន។
- ប្រៀបធៀបតម្លៃសិក្សា និងស្វែងយល់ពីលក្ខខណ្ឌចូលរៀន។
- ទទួលបានការណែនាំដោយផ្ទាល់អំពីការដាក់ពាក្យ និងនីតិវិធីស្នើសុំទិដ្ឋាការនិស្សិត។
- ស្វែងរកជម្រើសសិក្សាដែលសមស្របនឹងមហិច្ឆតា និងថវិការបស់អ្នក។

ព័ត៌មានលម្អិតអំពីកម្មវិធី

កម្មវិធី៖ YES2MALAYSIA – Education Malaysia Infoday 2026
កាលបរិច្ឆេទ៖ ថ្ងៃសៅរ៍ ទី២៤ ខែតុលា ឆ្នាំ២០២៦
ពេលវេលា៖ ម៉ោង ១:០០ រសៀល – ៥:០០ ល្ងាច
ទីតាំង៖ សណ្ឋាគារ កាំបូឌីយ៉ាណា រាជធានីភ្នំពេញ ប្រទេសកម្ពុជា
ការចូលរួម៖ ដោយឥតគិតថ្លៃ!https://www.yes2malaysia.com/cambodia/
ការចុះឈ្មោះ៖ https://www.yes2malaysia.com/cambodia/

ជំពូកថ្មីក្នុងដំណើរសិក្សារបស់អ្នក អាចចាប់ផ្តើមតាមរយៈការសន្ទនាតែមួយលើកប៉ុណ្ណោះ។ សូមអញ្ជើញមិត្តភក្តិ និងក្រុមគ្រួសារចូលរួម ជួបតំណាងសាកលវិទ្យាល័យ និងស្វែងយល់ពីលទ្ធភាពថ្មីៗសម្រាប់ការសិក្សា និងអាជីពរបស់អ្នក។

ប្រទេសម៉ាឡេស៊ីអាចជាគោលដៅសិក្សាបន្ទាប់របស់អ្នក។​ សូមអញ្ជើញមកចូលរួមស្វែងយល់ពីឱកាសទាំងនេះ!

សូមបញ្ជាក់ថា អាហារូបករណ៍, ការទទួលឱ្យចូលសិក្សា និងការអនុម័តទិដ្ឋាការសិស្ស គឺផ្អែកលើលក្ខខណ្ឌវិនិច្ឆ័យ និងតម្រូវការរបស់គ្រឹះស្ថាន និងអាជ្ញាធរពាក់ព័ន្ធ៕