(ក្រុងព្រះសីហនុ)៖ LiMI (លីមី) ជាកម្មវិធីទូរស័ព្ទថ្មីមួយ ដែលបានដាក់ឱ្យប្រើប្រាស់ជាផ្លូវការហើយនៅក្រុងព្រះសីហនុ ដើម្បីផ្តល់ភាពងាយស្រួលដល់អ្នករស់នៅ និងភ្ញៀវទេសចរ។ កម្មវិធីនេះបានរួមបញ្ចូលគ្នានូវសេវាកក់មធ្យោបាយធ្វើដំណើរដូចជា រថយន្តតាក់ស៊ី និងតុកតុក ព្រមទាំងសេវាកុម្ម៉ង់អាហារក្នុងកម្មវិធីតែមួយ ដែលឆ្លើយតបទៅនឹងតម្រូវការប្រចាំថ្ងៃដ៏សម្បូរបែប។

ដើម្បីស្វាគមន៍អតិថិជនថ្មី LiMI បានផ្តល់ជូនកញ្ចប់គូប៉ុងបញ្ចុះតម្លៃសរុប ៨០,០០០ រៀល ឬ ២០ ដុល្លារអាមេរិក។ កញ្ចប់នេះបែងចែកជា ៤៨,០០០ រៀល (១២ ដុល្លារ) សម្រាប់កុម្ម៉ង់អាហារ និង ៣២,០០០ រៀល (៨ ដុល្លារ) សម្រាប់កក់មធ្យោបាយធ្វើដំណើរ ដោយអនុវត្តតាមលក្ខខណ្ឌនៃការផ្តល់ជូន។ កម្មវិធី LiMI ក៏មានមុខងារតាមដានទីតាំងអ្នកបើកបរជាក់ស្តែង ការហៅទូរស័ព្ទ និងផ្ញើសារក្នុងកម្មវិធី ព្រមទាំងជម្រើសទូទាត់ជាសាច់ប្រាក់ ឬតាមធនាគារដៃគូផងដែរ។

LiMI មានគោលបំណងធ្វើឱ្យការធ្វើដំណើរ និងការកុម្ម៉ង់អាហារនៅក្រុងព្រះសីហនុកាន់តែងាយស្រួល និងរហ័សទាន់ចិត្ត។ ជាមួយគ្នានេះ ក្រុមហ៊ុនក៏មានផែនការពង្រីកសេវាកម្មទៅកាន់បណ្តាខេត្តនានានៅទូទាំងប្រទេសកម្ពុជាក្នុងពេលឆាប់ៗខាងមុខផងដែរ។