គ្រូបង្វឹកអាហ្សង់ទីន បន្តដាក់អាវលេខ១០ របស់ Messi ឱ្យនៅទំនេរដដែល ក្នុងប្រកួតក្រោយៗទៀត
06-11-2026 10:03
(បរទេស)៖ លោក Lionel Scaloni អ្នកចាត់ការទូទៅក្រុមជម្រើសជាតិអាហ្សង់ទីនបាននិយាយថា រូបលោកនឹងមិនប្រើប្រាស់អាវលេខ១០ របស់អតីតប្រធានក្រុម Lionel Messi ដែលទើបចូលនិវត្តន៍ពីជម្រើសជាតិកាលពីខែសីហា ឆ្នាំ២០២៦ កន្លងទៅនៅក្នុងការប្រកួតខាងមុខទៀតឡើយ។
នេះមានន័យថា គ្រូបង្វឹកសញ្ជាតិអាហ្សង់ទីនដែលបានដឹកនាំក្រុមខ្លាំងប្រចាំតំបន់អាមេរិកឡាទីន ឈ្នះជើងឯក FIFA World Cup 2022 នៅប្រទេសកាតា និងបានត្រឹមរងជើងឯកម្តងទៀតនៅឆ្នាំ២០២៦ នេះ នឹងមិនផ្តល់អាវលេខ១០ ដល់កីឡាកររូបណាពាក់ឡើយ នៅក្នុងការប្រកួតមិត្តភាពអន្តរជាតិនាអំឡុងខែវិច្ឆិកា។ នេះបើយោងតាមការចេញផ្សាយដោយ UEFA.com៕
