(បរទេស)៖ សមាជិកក្រុមគ្រូបង្វឹកជម្រើសជាតិអាហ្សង់ទីន បានកំពុងពិចារណាទៅលើកីឡាករឆ្នើម ២រូប ក្នុងការបន្តវេនពាក់លេខ១០ របស់អតីតប្រធានក្រុម Lionel Messi ដែលទើបបានចូលនិវត្តន៍ពីជម្រើសជាតិក្នុងឆ្នាំនេះ។

ពីគេហទំព័រកីឡា ESPN ប្រចាំប្រទេសអាហ្សង់ទីនបានរាយការណ៍មកថា ខ្សែប្រយុទ្ធ និងជាប្រធានក្រុម Inter Milan គឺ Lautaro Martinez និង Nico Paz នៃក្លិប Como លេងនៅក្របខណ្ឌ Serie A ប្រទេសអ៉ីតាលីបច្ចុប្បន្ន បានស្ថិតក្នុងបញ្ជីពិចារណានៅឡើយ។

គួររំលឹកផងថា លេខ១០ គឺជាលេខដ៏មានឥទ្ធិពលនៃក្រុមបាល់ទាត់ជម្រើសជាតិអាហ្សង់ទីន ដែលត្រូវបានពាក់ដោយអតីតប្រធានក្រុម Diego Maradona ដែលបានជួយអាហ្សង់ទីនឈ្នះជើងឯក World Cup 1986 នៅមិចស៊ិក និងរងជើងឯកម្តងទៀតនៅឆ្នាំ១៩៩០។

ក្រោយមកទៀតលេខ១០ នេះត្រូវបានពាក់ដោយប្រធានក្រុម Messi និងបានរួមចំណែកជួយក្រុមពពកសប្រចាំតំបន់អាមេរិកឡាទីនមួយនេះឈ្នះ World Cup 2022 និងរងជើងឯក ២លើកនៅឆ្នាំ២០១៤ និងចុងក្រោយឆ្នាំ២០២៦៕