(បរទេស)៖ Mohamed Salah អតីតខ្សែប្រយុទ្ធ Liverpool បានក្លាយជាអ្នកស៊ុតបញ្ចុលទីច្រើនជាងគេគ្រប់ពេលសម្រាប់ក្រុមជម្រើសជាតិអេហ្ស៊ីប និងបានរួមចំណែកជួយក្រុមខ្លាំងប្រចាំទ្វីបអាហ្រ្វិកមួយនេះ ឈានទៅជុំចុងក្រោយនៃពានប្រចាំតំបន់ Africa Cup of Nations 2027 ថែមទៀតផង។

ពីគេហទំព័រកីឡា BBC បានចេញផ្សាយថា Salah ដែលកំពុងប្រកបអាជីពបាល់ទាត់នៅលីគកំពូលនៃប្រទេសតួកគីយ៉េនោះ រកបាន ២គ្រាប់បន្ថែមក្នុងជ័យជម្នះ ៥-០ ទៅលើគូប្រជែងម៉ាឡាវី និងជា ១ប្រកួតបើកឆាករបស់គ្រូបង្វឹកថ្មី លោក Ali Maher ទៀតផង។

Salah វ័យ ៣៤ឆ្នាំរកបាន ៧០គ្រាប់សរុបនាពេលនេះជាមួយអេហ្ស៊ីបឈរនៅលំដាប់ទី១ នាំមុខគូប្រជែង Hossam Hassan ដែលមាន ៦០គ្រាប់ និង Hassan El-Shazly មាន ៤៩គ្រាប់។

ខ្សែប្រយុទ្ធដែលធ្លាប់លេងនៅក្លិប Chelsea និង Roma ខាងលើ ក៏បានបង្ហាញខ្លួននៅ Afcon ចំនួន ៧លើកច្រើនជាងគេផងដែរ គិតចាប់តាំងពីឆ្នាំ២០១០ ដោយពាននេះលេងរៀងរាល់ ២ឆ្នាំម្តង និងបានរងជើងឯក ២លើកទៀតផង។

អេហ្ស៊ីប បានឈានដល់វគ្គពាក់កណ្តាលផ្តាច់ព្រ័ត្រកាលឆ្នាំ២០២៥ នៅប្រទេសម៉ារ៉ុក និងហាលអាវត្រឹមវគ្គ ១៦ក្រុមនៅ World Cup 2026 ស្ថិតក្រោមការដឹកនាំដោយលោក Hossam Hassan ដែលទើបដកគ្រូបង្វឹកវ័យ ៦០ឆ្នាំចេញពីតំណែងកាលពីដើមខែវិច្ឆិកានេះដែរ៕