* អាមេរិកបើកការស៊ើបអង្កេតព្រហ្មទណ្ឌលើ OpenAI ជុំវិញការសង្ស័យថា AI ជ្រៀតចូលប្រព័ន្ធធនាគារ
* ម្ចាស់មកុដ Miss Universe Vietnam 2026 ត្រូវបានដកតំណែង ក្រោយគ្រងមកុដបាន ៦សប្តាហ៍ ដោយសាររំលោភកិច្ចព្រមព្រៀង
* ចំណេះដឹងទូទៅ៖ នំប្ល៊ីនី ក្នុងពិធីបុណ្យម៉ាស្លេនីតសា ជាជំនឿបុរាណ ដែលរុស្ស៊ីនៅតែរក្សា
* ក្រុមហ៊ុន Nvidia បដិសេធការវិលត្រឡប់របស់លោក Jensen Huang ចំពេលមានការស៊ើបអង្កេតពីនិយ័តករ

គ្រូបង្វឹក Pochettino បង្ហាញខ្លួនផ្លូវការក្នុងក្លិបថ្មី Man Utd ក្រោមកិច្ចសន្យា ២ឆ្នាំកន្លះ

19-11-2026 10:23

(បរទេស)៖ អ្នកចាត់ការទូទៅសញ្ជាតិអាហ្សង់ទីន Mauricio Pochettino បានបង្ហាញវត្តមានផ្លូវការក្នុងក្លិបថ្មី បិសាចក្រហម Manchester United ជាមួយនឹងកិច្ចសន្យារយៈពេល ២ឆ្នាំកន្លះនៅកីឡដ្ឋាន Old Trafford។ នេះបើយោងតាមការចេញផ្សាយដោយគេហទំព័រកីឡា BBC។

បុរសវ័យ ៥៤ឆ្នាំរូបនេះបានថ្លែងថា រូបលោកនឹងមិនខ្ជះខ្ជាយពេលវេលា ក្នុងការកសាងអតីតក្រុមនេះឡើងវិញឡើយ ក្រោយពេលរូបលោកបានមកដល់ Man Utd នៅថ្ងៃពុធម្សិលមិញ។

រូបលោកបានដឹកនាំក្រុមជម្រើសជាតិសហរដ្ឋអាមេរិក បំបាក់ហៃទី ២-០ ដែលជា ១ប្រកួតចុងក្រោយសម្រាប់លោកនៅទីក្រុង Cincinnati កាលពីថ្ងៃអង្គារសប្តាហ៍នេះ នៅពេលអ្ន​កវិភាគ DaMarcus Beasley ដែលធ្លាប់លេងខ្ចីជើងចន្លោះឆ្នាំ២០០៦-០៧ នៅក្លិប Manchester City បានចំអកទៅលោក Pochettino ថា «ទីក្រុង Manchester គឺជាពណ៌ខៀវ ហើយវានៅតែជាពណ៌ខៀវជានិច្ច»។

ភ្លាមៗនោះដែរ លោក Pochettino ដែលធ្លាប់ដឹកនាំ Tottenham Hotspur និង Chelsea លេងនៅ Premier League បានឆ្លើយតបថា «គ្មានផ្លូវទេ អ្នកនឹងឃើញច្បាស់។ សូមទុកពេលឱ្យខ្ញុំ ដើម្បីផ្លាស់ប្តូរវា»។

១ប្រកួតបើកឆាករបស់លោក Pochettino ក្នុងការដឹកនាំ United ដែលកំពុងស្ថិតនៅលេខរៀងទី១៨ ក្នុងលីគ ត្រូវប្រឈមមុខទល់នឹងម្ចាស់ផ្ទះ Liverpool នៅកីឡដ្ឋាន Anfield នារាត្រីថ្ងៃអាទិត្យចុងសប្តាហ៍នេះ៕