(ភ្នំពេញ)៖ បើលោកអ្នកទៅលេងប្រទេសម៉ាឡេស៊ី ដោយមិនបានថតរូបអនុស្សាវរីយ៍ជាមួយអគារភ្លោះ Petronas នៅទីក្រុងគួឡាឡាំពួរ ហាក់បីដូចជាលោកអ្នកមិនបានទៅលេងប្រទេសនេះអីចឹង។ ហេតុអ្វីបានជាបែបនេះ? នេះក៏ព្រោះវាមានចំណុចពិសេសជាច្រើន ដែលលោកអ្នកនឹកស្មានមិនដល់។

ចំណុចពិសេសរបស់អគារភ្លោះម៉ាឡេស៊ី Petronas មានដូចខាងក្រោម៖

*១៖ ធ្លាប់ជាអគារខ្ពស់ជាងគេបំផុតក្នុងពិភពលោក៖ ចាប់ពីឆ្នាំ១៩៩៨ ដល់ ២០០៤ Petronas គឺជាអគារដែលខ្ពស់ជាងគេបំផុតនៅលើពិភពលោក ដែលមានកម្ពស់ ៤៥២ ម៉ែត្រ។

*២៖ អគារភ្លោះដែលខ្ពស់ជាងគេបំផុតលើពិភពលោក៖ Petronas នៅតែជាអគារភ្លោះខ្ពស់ជាងគេនៅលើពិភពលោក ពោលគឺមិនទាន់មានអគារភ្លោះណា ដែលសង់ទន្ទឹមគ្នាហើយខ្ពស់បែបនេះឡើយ។

*៣៖ មានស្ពានអាកាសដ៏អស្ចារ្យ៖ អគារទាំងពីរ ត្រូវបានតភ្ជាប់ដោយស្ពានអាកាសពីរជាន់នៅជាន់ទី៤១ និងទី៤២។

*៤៖ ការរចនាដែលបំផុសគំនិតដោយឥស្លាម៖ ស្ថាបត្យកម្មឆ្លុះបញ្ចាំងពីសិល្បៈ និងវប្បធម៌ឥស្លាម ជាមួយនឹងការរចនាដែលតំណាងភាពសុខដុមរមនា និងស្ថិរភាព។

*៥៖ វិស្វកម្មកម្រិតខ្ពស់៖ សាងសង់ដោយលាយបេតុង ដែក និងកញ្ចក់ ហើយមានគ្រឹះដ៏ជ្រៅ (ជាង ១២០ម៉ែត្រ) ដែលអគារពីរនេះឈរនៅលើគ្រឹះដ៏ជ្រៅបំផុតមួយរបស់ពិភពលោក។

*៦៖ និមិត្តសញ្ញាជាតិ៖ Petronas គឺជានិមិត្តសញ្ញានៃការអភិវឌ្ឍ និងមហិច្ឆតាសេដ្ឋកិច្ចរបស់ប្រទេសម៉ាឡេស៉ី៕