(ភ្នំពេញ)៖ សារធាតុពុលគីមីមួយចំនួន អាចជាអាវុធជីវសាស្រ្ត (Biological Weapons)។ អាវុធជីវសាស្ត្រ​ ជាឧបករណ៍អាសន្នដែលអាចបំផ្លាញសុខភាពមនុស្សដោយប្រើ វីរុស បាក់តេរី ឬសារធាតុសរសៃ ដើម្បីបង្កជំងឺ ឬសម្លាប់ជាសាធារណៈ ហើយភាគច្រើនអាវុធជីវសាស្រ្តគ្មានពណ៌ គ្មានក្លិន គ្មានរសជាតិ ប៉ុន្តែអាចធ្វើឱ្យអ្នកឈឺ ថប់ដង្ហើម និងស្លាប់ភ្លាមៗ។

Fresh News សូមបង្ហាញចំណេះដឹងទូទៅ​មួយពាក់ព័ន្ធនឹងផលវិបាកនៃសារធាតុពុលគីមី ចំនួន ១០ប្រភេទ ដូចខាងក្រោម៖
*ស្ពាន់ធ័រម៉ូតាត (Sulfur Mustard)៖ ទាំងស្ពាន់ធ័រម៉ូតាត ទាំងឧស្ម័នម៉ូតាត គឺគ្មានពណ៌ គ្មានក្លិននៅក្នុងទម្រង់សុទ្ធ ប៉ុន្តែក្នុងទម្រង់មិនសុទ្ធ គេអាចឃើញមានពណ៌លឿងត្នោត ហើយមានក្លិនដូចរុក្ខជាតិស្ពៃ ខ្ទឹម ឬស្រដៀងរំដេង ពេលប្រើក្នុងសង្រ្គាម។ វាធ្វើឲ្យមានបញ្ហាស្បែក និងភ្នែក។

*ឧស្ម័នក្ល័រ៖ ជាឧស្ម័នមានពណ៍បៃតងខ្ចី ហើយមានក្លិនអាក្រក់ ដែលធ្វើឲ្យថប់ដង្ហើម។

*សារធាតុ Lewisite៖ ជាប្រភេទអាវុធគីមី ដែលមានជាតិពុលខ្លាំង តែគ្មានក្លិន ហើយវាមានតួនាទីជាភ្នាក់ងារបំផ្លាញប្រព័ន្ធប្រសាទ។

*សារធាតុ VX៖ ជាសារធាតុគីមី ដែលមានជាតិពុលខ្លាំងជាងគេបំផុត ក្នុងការបំផ្លាញប្រព័ន្ធប្រសាទ ហើយគ្មានក្លិននោះទេ។

*សារធាតុ SOMAN៖ ជាឧស្ម័នបំផ្លាញប្រព័ន្ធប្រសាទ ដែលមានក្លិន ដូចផ្លែឈើស្អុយរលួយ។

*សារធាតុ TABUN៖ ជាភ្នាក់ងារបំពុលប្រព័ន្ធប្រសាទ មានក្លិនក្រអូបស្រាលដូចផ្លែឈើ។

*សារធាតុ ZYKLON B៖ ជាភ្នាក់ងារបំផ្លាញគ្រាប់ឈាម ហើយមានឈ្មោះល្បី នៅពេលវាត្រូវបានប្រើប្រាស់ក្នុងការសម្លាប់មនុស្ស ដោយក្រុមណាស៊ី (NAZI)។

*អ៉ីដ្រូសែន ស្ពាន់ធ័រ៖ ជាភ្នាក់ងារបំផ្លាញគ្រាប់ឈាមដែលមានក្លិន ដូចពងមាន់ស្អុយ។

*សារធាតុ ADAMITE ឬ DM៖ គ្មានក្លិន ហើយមានតួនាទីធ្វើឲ្យជនរងគ្រោះក្អួត និងកណ្តាស់។

*CS GAS៖ ជាឧស្ម័នបង្ហូរទឹកភ្នែក ប៉ុន្តែគ្មានក្លិន៕