(ភ្នំពេញ)៖ សម្រាប់ថ្ងៃនេះ Fresh News សូមបង្ហាញពីកំពូលជនក្បត់ ចំនួន ១០រូប ដែលត្រូវបានចារទុកក្នុងប្រវត្តិសាស្ត្រពិភពលោក (Top 10 Most Consequential Traitors in History)។

*១៖ Judas Iscariot (សតវត្សរ៍ទី១ នៃគ្រិស្តរាជ)
អំពើក្បត់នឹងព្រះយេស៉ូ ហើយបានក្លាយជាព្រឹត្តិការណ៍មួយល្បីល្បាញបំផុត នៅក្នុងប្រវត្តិសាសនា ដែលបង្ហាញពីទ្រឹស្តីនៃសាសនាសម្រាប់ការលះបង់ និងការសង្គ្រោះ។ ហេតុការណ៍នេះ បង្កើតជាវប្បធម៌មនុស្សមិនស្មោះត្រង់ ដែលស្ថិតនៅក្នុងវប្បធម៌លោកខាងលិច ២០០០ឆ្នាំ។

*២៖ Mir Jafar (១៦៩១ ដល់១៧៦៥)
ការរត់ចោលជួររបស់គាត់ក្នុងអំឡុងពេលសមរភូមិ Plassey បានធ្វើឲ្យក្រុមហ៊ុន British East India ដណ្តើមយក Bengal ។ ជាលទ្ធផល វាបានត្រួសត្រាយផ្លូវឲ្យមានការដាក់អាណានិគមអង់គ្លេសជិតពីរសតវត្សរ៍ នៅប្រទេសឥណ្ឌា។

*៣៖ Vidkun Quisling (១៨៨៧ ដល់ ១៩៤៥)
លោកបានប្រែក្លាយប្រទេសន័រវេស ទៅជារដ្ឋអាយ៉ងរបស់ណាស៉ី អំឡុងសង្គ្រាមលោកលើកទីពីរ។ ឈ្មោះរបស់គាត់ បានក្លាយជាពាក្យអចិន្ត្រៃយ៍សម្រាប់សម្គាល់ «ជនក្បត់» នៅក្នុងភាសាជាច្រើន។

*៤៖ Benedict Arnold (១៧៤១ ដល់ ១៨០១)
ផែនការក្បត់របស់គាត់ ស្ទើរតែបានប្រគល់ក្រុង West Point ទៅឲ្យជនជាតិអង់គ្លេស ក្នុងអំឡុងពេលបដិវត្តន៍អាមេរិច។

*៥៖ Wang Jingwei (១៨៨៣ ដល់ ១៩៤៤)
ជនជាតិចិនរូបនេះ ជាមេដឹកនាំនៃរបបអាយ៉ង ដែលគ្រប់គ្រងដោយជប៉ុន នៅក្នុងប្រទេសចិន ក្នុងអំឡុងសង្គ្រាមលោកលើកទីពីរ។ លោកបានជួយជប៉ុន បំផ្លាញផែនការរួបរួមរបស់ចិន ហើយកេរ្តិ៍ឈ្មោះដ៏ស្អុយរលួយរបស់លោក ត្រូវបានចារទុក។

*៦៖ Robert Hanssen (១៩៤៤ ដល់ ២០២៣)
បានចារកិច្ចសម្រាប់សហភាពសូវៀត និងរុស្ស៊ីអស់រយៈពេលជាង ២០ឆ្នាំ ខណៈពេលដែលគាត់នៅក្នុង FBI ។

*៧៖ Kim Philby (១៩១២ ដល់ ១៩៨៨)
ជាមន្ត្រីជាន់ខ្ពស់ MI6 ធ្វើការដោយសម្ងាត់សម្រាប់ KGB ។ គាត់បានក្បត់នឹងប្រតិបត្តិការលោកខាងលិចរាប់មិនអស់ ដែលផ្តល់ផលប្រយោជន៍ជាច្រើនដល់សូវៀត ក្នុងសង្គ្រាមត្រជាក់។

*៨៖ Andrey Vlasov (១៩០១ ដល់ ១៩៤៦)
គាត់ជាឧត្តមសេនីយសូវៀតម្នាក់ ដែលបានភៀសខ្លួនទៅណាស៊ីអាល្លឺម៉ង់ ដែលដឹកនាំកងទ័ពប្រឆាំងសូវៀត។ កងកម្លាំងរបស់គាត់ត្រូវបានប្រើប្រាស់នៅក្នុងការឃោសនារបស់ណាស៊ី ដើម្បីធ្វើឲ្យឥទ្ធិពលសូវៀតចុះខ្សោយ។

*៩៖ Ephialtes of Trachis (ឆ្នាំ៤៨០ មុនគ្រិស្តរាជ)
ជនជាតិក្រិចរូបនេះ បានក្បត់នឹងជាតិខ្លួនឯង និងបានបង្ហាញផ្លូវសម្ងាត់មួយទៅកាន់ជនជាតិពែរ្ស នៅ Thermopylae ។

*១០៖ Philippe Pétain (១៨៥៦ ដល់ ១៩៥១)
ពីវីរបុរសសង្គ្រាមលោកលើកទី១ ទៅជាមេដឹកនាំនៃដែនដី Vichy France សហការជាមួយណាស៊ីអាល្លឺម៉ង់ ដោយបង្កើតឲ្យមានការគ្រប់គ្រងរបស់ណាស៊ី លើប្រទេសបារាំងភាគច្រើន ក្នុងអំឡុងសង្គ្រាមលោកលើកទី២៕