ចំណេះដឹងទូទៅ៖ អ្វីទៅជាការផ្តល់កម្ចីប្រាក់ក្រៅប្រព័ន្ធ?
14-11-2025 22:52
(ភ្នំពេញ)៖ ការផ្តល់កម្ចីប្រាក់ក្រៅប្រព័ន្ធ គឺការផ្តល់ឬខ្ចីប្រាក់ដែលមិនរួមបញ្ចូលក្នុងប្រព័ន្ធហិរញ្ញវត្ថុផ្លូវការ ដូចជាធនាគារ ឬស្ថាប័នហិរញ្ញវត្ថុដែលមានអាជ្ញាបណ្ណនោះទេ។
ប្រាក់កម្ចីក្រៅប្រព័ន្ធ គឺជាការខ្ចីប្រាក់ពីអ្នកផ្តល់កម្ចីឯកជន ឬក្រុមហ៊ុនមិនមានអាជ្ញាបណ្ណត្រឹមត្រូវ ដែលមិនត្រូវបានគ្រប់គ្រងដោយច្បាប់សហគ្រាសហិរញ្ញវត្ថុ។
កម្ចីក្រៅប្រព័ន្ធ គឺជាកម្ចីដែលច្រើនតែធ្វើឡើងជាមួយនឹងអ្នករកស៊ីចងការប្រាក់ ដែលគ្មានអាជ្ញាប័ណ្ណត្រឹមត្រូវ ស្ថិតនៅក្រោមរូបភាពជាអង្គការ ឬអ្នករកស៊ីចងការប្រាក់ឯកជនជាដើម។
ឧទាហរណ៍៖ កម្ចីពីស្ថាប័នឯកជនណាមួយ ក្រុមណាមួយ ឬបុគ្គលណាមួយកម្ចី «ងាយឆាប់រហ័ស» ដោយគ្មានឯកសារ គេហៅថាខ្ចីលុយរាប់ ឬឆក់លុយ។
លក្ខណៈ កម្ចីក្រៅប្រព័ន្ធ៖
*អត្រាការប្រាក់ខ្ពស់ខ្លាំង (ពេលខ្លះគេគិតរាប់ភាគរយក្នុងមួយថ្ងៃ)
*គ្មានកិច្ចសន្យាច្បាស់លាស់
*មានសម្ពាធ ឬផ្លូវគំរាមកំហែង ពេលមិនអាចសង
*គ្មានការការពារតាមច្បាប់សម្រាប់អ្នកខ្ចី។
ហានិភ័យកម្ចីក្រៅប្រព័ន្ធ៖
*អាចធ្វើឱ្យជម្លោះឬបញ្ហាសន្តិសុខ
*ក្លាយជាបំណុលរៀងរាល់ថ្ងៃ
*អាចនាំឱ្យខូចទ្រព្យសម្បត្តិ ឬបាត់បង់ប្រាក់ច្រើនជាងដើម។
កម្ចីក្រៅប្រព័ន្ធ គឺជាការខ្ចីប្រាក់ដែលគួរឱ្យប្រុងប្រយ័ត្នខ្លាំង ព្រោះគ្មានការការពារតាមច្បាប់ និងមានអត្រាការប្រាក់ខ្ពស់ណាស់៕
