(ភ្នំពេញ)៖ សព្វថ្ងៃនេះ គេសង្កេតឃើញកុមារ ឬយុវជនកម្ពុជាភាគច្រើននិយមទទួលទានមីឆុងមិនថាមីកំប៉ុង ឬមីកញ្ចប់នោះទេ។ តើអ្នកដឹងទេថា ការទទួលទានវាញឹកញាប់ ឬក្នុងបរិមាណច្រើន អាចប៉ះពាល់ដល់សុខភាព?

នេះដោយសារមីឆុង មានហេតុផលដូចខាងក្រោម៖

មានជាតិសូដ្យូម (អំបិល) ខ្ពស់
មីកញ្ចប់មួយកញ្ចប់អាចមានជាតិសូដ្យូមច្រើនជាងពាក់កណ្តាល ឬជិតស្មើនឹងបរិមាណដែលមនុស្សពេញវ័យគួរទទួលទានក្នុងមួយថ្ងៃ។ ប្រការនេះ វាអាចបង្កើនសម្ពាធឈាម បង្កើនហានិភ័យជំងឺបេះដូង និងដាច់សរសៃឈាមខួរក្បាល និងធ្វើឱ្យតម្រងនោមធ្វើការធ្ងន់។

ខ្វះសារធាតុចិញ្ចឹម
មីកញ្ចប់ភាគច្រើន មានវីតាមីនតិច សារធាតុរ៉ែតិច និងប្រូតេអ៉ីនដែលមានគុណភាពតិច។ ដូច្នេះ ប្រសិនបើញ៉ាំជាអាហារប្រចាំ អាចធ្វើឱ្យខ្វះសារធាតុចិញ្ចឹម។

មានខ្លាញ់ច្រើន
មីកញ្ចប់ជាច្រើនត្រូវបានចៀនមុនវេចខ្ចប់។ មានខ្លាញ់ឆ្អែតខ្ពស់ ផ្តល់កាឡូរីច្រើន និងអាចបង្កឱ្យឡើងទម្ងន់ ប្រសិនបើញ៉ាំញឹកញាប់។

មានសារធាតុបន្ថែមមិនសូវល្អចំពោះសុខភាព
គ្រឿងទេសក្នុងកញ្ចប់អាចមានសារធាតុបង្កើនរសជាតិ (ដូចជា MSG) សារធាតុរក្សាទុក និងសារធាតុបន្ថែមផ្សេងៗ។ សម្រាប់មនុស្សភាគច្រើន MSG ត្រូវបានចាត់ទុកថាមានសុវត្ថិភាពនៅពេលប្រើក្នុងបរិមាណសមស្រប។ ទោះជាយ៉ាងណា មនុស្សមួយចំនួនអាចមានអារម្មណ៍មិនស្រួលបន្ទាប់ពីទទួលទានអាហារដែលមាន MSG ច្រើន៕